MNP ၊ စက်တင်ဘာ ၆
ရခိုင်ပြည်နယ်၊ ရမ်းဗြဲမြို့နယ် သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ကျေးလက်လမ်းဖွံ့ဖြိုးရေး ဦးစီးဌာနမှ ၂၀၂၃-၂ဝ၂၄ ဘဏ္ဍာနှစ်အတွင်း ပြည်ထောင်စု/ပြည်နယ် (ငွေလုံးငွေရင်း) ခွင့်ပြုရန်ပုံငွေဖြင့် တည်ဆောက်လျှက်ရှိသော လမ်းတံတားများကို ယနေ့ နံနက်ပိုင်းက တာဝန်ရှိသူများမှ ကွင်းဆင်းစစ်ဆေး သည်။
ထိုသို့ ကွင်းဆင်းစစ်ဆေးရာတွင် သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ရခိုင်ပြည်နယ်၊ ကျောက်ဖြူခရိုင်၊ ကျေးလက်လမ်းဖွံ့ဖြိုးရေးဦးစီးဌာနမှ လက်ထောက်ညွှန်ကြားရေးမှူး(မြို့ပြ) ဦးမောင် မောင်ကျော်၊ စီမံကိန်းစစ်ဆေးရေးနှင့် အရည်အသွေးထိန်းသိမ်းရေးဌာနမှ ဦးစီးအရာရှိ(မြို့ပြ)ဦးဆောင်သည့် (QC)အဖွဲ့၊ ဦးစီးအရာရှိ(မြို့ပြ)ရမ်းဗြဲမြို့နယ်နှင့် ကုမ္ပဏီများမှ တာဝန်ရှိသူ အဖွဲ့များသည် ၂၀၂၃- ၂၀၂၄ ခုဘဏ္ဍာရေးနှစ်အတွင်း ပြည်ထောင်စု/ပြည်နယ် (ငွေလုံးငွေရင်း) ခွင့်ပြုရန်ပုံငွေများဖြင့် ဆောင်ရွက်သည့် နားမူးတွေ-ငစမိ-ရှောက်ချောင်းလမ်း၊ စကုကျွန်းပတ်လမ်း၊ ရှောက်ချောင်း-မီးကျောင်းတက်လမ်းဆုံမှ အချိန်ပြင်ကျေးရွာအဝင်လမ်း၊ သင်ပန်းချိန်-တောကြား-ဆေးသမား-သစ်ပုတ်ချိန်လမ်း၊ ဆေးသမားတံတား နှင့် ကံ့ကော်တံတား စသည့် လမ်း/တံတား တည်ဆောက်ရေးလုပ်ငန်းများအား ကွင်းဆင်းကြည့်ရှု စစ်ဆေးပြီး လုပ်ငန်းများနှင့်ပတ်သတ်၍ အရည်အသွေးပြည့်မီစွာဖြင့် သတ်မှတ်ချိန်အတွင်း အချိန်မီပြီးစီး နိုင်ရေးတို့ကို ညှိနှိုင်းဆောင်ရွက်ခဲ့ကြောင်း သိရသည်။
အောင်တင်ကြည်
https://t.me/MyanmarNationalPost
No comments:
Post a Comment