MNP ၊ စက်တင်ဘာ ၈
ရှမ်းပြည်နယ်အရှေ့ပိုင်း၊ မိုင်းတုံခရိုင်၊ မိုင်းတုံမြို့နယ်အတွင်းရှိ မူလွန်ပုံအံ့ကျောင်းဝန်း၌ မိုင်းတုံမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်အားကစားနှင့် ကာယပညာဦးစီးဌာန၊ ပညာရေးနှင့်လူငယ်တို့နှင့်ပူးပေါင်း၍ ယမန်နေ့နံနက် ၁၀ နာရီ ၁၅ အချိန်က လူငယ်စကားဝိုင်းပြုလုပ်ခဲ့ကြောင်း သိရသည်။
အဆိုပါ လူငယ်စကားဝိုင်းတွင် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်ဝင်းဝင်းခိုင်မှ လူငယ်စကားဝိုင်း ပြုလုပ်ပေးရခြင်း၏ ရည်ရွယ်ချက်နှင့် တန်ဖိုးရှိသော လူငယ်ခေါင်းစဉ်ဖြင့်လည်းကောင်း၊ မြို့နယ်အားကစားနှင့်ကာယပညာဦးစီးဌာနမှ ဦးကျော်ဇင်လတ်က လူငယ်နှင့်အားကစားခေါင်းစဉ် ဖြင့်လည်းကောင်း၊ မူလွန်ပုံအံ့ ကျောင်းအုပ်ဆရာကြီး ဦးချစ်မင်းဝေက လူငယ်တို့၏အနာဂတ် ခေါင်းစဉ်ဖြင့်လည်းကောင်း၊ ဒုတိယဦးစီးမှူး ဒေါ်ခိုင်ခိုင်သွယ်က လူငယ်တွေဖွံ့ဖြိုးစေဖို့ခေါင်းစဉ် ဖြင့်လည်းကောင်း၊ ဒေါ်တင်ဇာထက်ထက်အောင်က လူငယ်နှင့်စာရိတ္တခေါင်းစဉ်ဖြင့်လည်းကောင်း၊ လူငယ်နန်းဆန်းထွေးက လူငယ်တို့၏ တန်းဖိုးခေါင်းစဉ်ဖြင့်လည်းကောင်း၊ မမိမိဖွေးက လူငယ်တို့၏ဆန္ဒမွန် ခေါင်းစဉ်တို့ဖြင့်အသီးသီး ဆွေးနွေးခဲ့ရာ ကျောင်းသူ/ကျောင်းသားများမှ နားမလည်သည်များကို မြေမြန်းမှုကို သက်ဆိုင်သည့် ဆွေးနွေးမှု ခေါင်းစဉ်တိုင်းကို အပြန်အလှန်ဆွေးနွေးပေးခဲ့ကြကြောင်း သိရသည်။
မျိုးကျော်စိုး
https://t.me/MyanmarNationalPost
No comments:
Post a Comment