MNP ၊ စက်တင်ဘာ ၁၁
ပဲခူးတိုင်းဒေသကြီး၊ပြည်ခရိုင်၊ ရွှေတောင်မြို့နယ် စိုက်ပျိုးရေးနှင့် မွေးမြူရေး အထက်တန်းကျောင်းမှကျောင်းသား / ကျောင်းသူများအား ယမန်နေ့ နံနက်ပိုင်းက ကျောင်းတွင်းဘာသာရပ်များ သင်ကြားမှုအပြင် စိုက်ပျိုးရေးနှင့် မွေးမြူရေးနှင့်ပတ်သက်သည့် ကျောင်းပြင်ပကွင်းဆင်းလေ့လာရေးခရီးကို ပို့ဆောင်ပေးခဲ့သည်။
အဆိုပါ ကျောင်းပြင်ပကွင်းဆင်းလေ့လာရေးခရီးပို့ဆောင်ရာတွင် ပဲခူးတိုင်းဒေသကြီးအစိုးရအဖွဲ့ ဝန်ကြီးချုပ်၏ လမ်းညွှန်ချက်နှင့်အညီ ခရိုင်/မြို့နယ်စီမံအုပ်ချုပ်ရေးအဖွဲ့ဥက္ကဌနှင့် အဖွဲ့ဝင်များ၏ ပံ့ပိုးကူညီမှုဖြင့် ရွှေတောင်မြို့နယ် စိုက်ပျိုးရေးနှင့် မွေးမြူရေး အထက်တန်းကျောင်း မှ ကျောင်းသားကျောင်းသူ (၅၉)ဦးတို့အား ရွှေတောင်မြို့နယ် ဒုတိယမြို့နယ်အုပ်ချုပ်ရေးမှူး ဦးစိုးရာဇာလင်း ဦးဆောင်၍ မြို့နယ်စိုက်ပျိုးရေးဦးစီးဌာန၊မြို့နယ်ဦးစီးမှူး ဦးမျိုးအောင် နှင့်ဝန်ထမ်းများ၊မြို့နယ်မွေးမြူရေးနှင့်ကုသရေးဦးစီးဌာနဝန်ထမ်းများ၊ကျောင်းအုပ်ဆရာမကြီး နှင့်ဆရာ/ ဆရာမများ နှင့် မြန်မာနိုင်ငံရဲတပ်ဖွဲ့ဝင်များလိုက်ပါ၍ ကြာနီကန်ရပ်ကွက်၊ ကသဲတန်းလမ်းရှိ မွေးမြူရေး လုပ်ငန်းလုပ်ကိုင်သူ ဦးတူး၏ စီးပွားဖြစ် နို့စားနွားမွေးမြူထားရှိမှုနှင့် တောင်သူ ဒေါ်သောင်းရီ စိုက်ပျိုးထားသော မျိုး (၈)မျိုးယှဉ်ပြိုင်စမ်းသပ်စိုက်ကွက်အား လည်းကောင်း ၊မယားမန်ကျေးရွာရှိ တောင်သူ ဦးခင်မြင့်၏ ရတနာတိုး (RS-CS) မျိုးစေ့ထုတ်စိုက်ခင်းအားလည်းကောင်း၊ လေးထောင့်ကန်ကျေးရွာရှိ မွေးမြူရေးလုပ်ငန်းလုပ်ကိုင်သူ ဒေါ်ဝင်းစံပယ်၏ အသားတိုးကြက်ခြံတို့အား ကွင်းဆင်းလေ့လာခဲ့ကြပြီးနောက် ပန်းတောင်းမြို့နယ်၊ ရွှေဘုံသာကျေးရွာ၌ တည်ထားကိုးကွယ်လျက်ရှိသော ရွှေဘုံသာမုနိစေတီတော်မြတ်အား သွားရောက်ဖူးမြော် လေ့လာခဲ့ ကြောင်း သိရသည်။
ကိုကိုမင်း
https://t.me/MyanmarNationalPost
No comments:
Post a Comment