MNP ၊ စက်တင်ဘာ ၂၉
ပဲခူးတိုင်း ဒေသကြီး၊ ပြည်ခရိုင်၊ ရွှေတောင်မြို့နယ် အတွင်းရှိ ကျေးရွာဖွံ့ဖြိုးတိုးတက်ရေးအတွက်မြစိမ်းရောင် စီမံကိန်းရန်ပုံငွေများ ပြန်လည်ထုတ်ပေးခြင်းကို ယမန်နေ့ နံနက်ပိုင်းက ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ တာဝန်ရှိသူများက ကျေးရွာများသို့ အရောက်ကွင်းဆင်း ဆောင်ရွက်ခဲ့သည်။
ထိုသို့ ကွင်းဆင်းဆောင်ရွက်ခြင်းကို ကျေးလက်ဒေသဖွံ့ဖြိုးတိုးတက်ရေးဦးစီးဌာနမှမြို့နယ်ဦးစီးမှူး လက်ထောက်ညွှန်ကြားရေးမှူး ဦးမျိုးသူ ဦးဆောင်၍ ဒုတိယဦးစီးမှူး ဒေါ်နီနီအောင်နှင့် ဝန်ထမ်းများက ရွှေတောင်မြို့နယ် ၊ ကွေ့မအုပ်စု၊ ကွေ့မကျေးရွာ၊ မမဲအုပ်စု၊ မမဲလေးကျေးရွာ နှင့် အောင်မင်္ဂလာ ၊ နွားမယံအုပ်စု ၊ဖိုးသိန်းတန်ကျေးရွာများရှိကျေးရွာနေ တောင်သူများအားတွေ့ဆုံ၍ မြစိမ်းရောင်စီမံကိန်းရန်ပုံငွေများ ပြန်လည်ထုတ် ချေးပေးခြင်းနှင့်ပတ်သက်၍ သတ်မှတ်ချက်များ အားရှင်းလင်း ဆွေးနွေးခြင်း၊ တစ်ရွာချင်း အလိုက် ချေးငွေများထုတ်ပေးခြင်း၊ အသေးစား စိုက်ပျိုးရေး၊ မွေးမြူရေးလုပ်ငန်းများကို ကွင်ဆင်း ကြည့်ရှုခြင်းများ ဆောင်ရွက်ခဲ့ကြသည်။
အဆိုပါ မြစိမ်းရောင်စီမံကိန်းရန်ပုံငွေများ ပြန်လည်ထုတ်ပေးခြင်းနှင့် ကွင်းဆင်း ဆောင်ရွက်ခြင်းလုပ်ငန်းများကို ရွှေတောင်မြို့နယ်အတွင်းရှိ လျာထားကျေးရွာ(၄၃)ရွာအနက် ကျေးရွာ ( ၁၇)ရွာသို့ကွင်းဆင်း၍ ရန်ပုံငွေ စုစုပေါင်း (၆၉၀.၁)သန်းထုတ်ချေးပေးပြီးဖြစ်ကြောင်းနှင့် ကျန်ရှိ ကျေးရွာများကိုလည်း ဆက်လက် ဆောင်ရွက်သွားမည်ဖြစ်ကြာင်း မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနထံမှ သိရသည်။
https://t.me/MyanmarNationalPost
No comments:
Post a Comment