MNP ၊ စက်တင်ဘာ ၁၇
ဂန့်ဂေါမြို့နယ်၊ တောင်ခင်ရန်းကျေးရွာသည် ဆည်ရေအသုံးပြု၍ စိုက်ပျိုးရေးလုပ်ကိုင်ရခြင်းဖြစ်ပြီး ဆည်ဘေးဝဲယာရှိ PDF အကြမ်းဖက်သမားများက ဆည်ရေကို ပိတ်ဆို့ထားကြောင်း ဒေသခံများထံမှ သိရသည်။
ဒေသခံတစ်ဦးက "ဒီနှစ် စပါးတွေက အောင်မှာတောင် မဟုတ်ဘူး။ ဆည်ရေနဲ့ စိုက်ပျိုးရတာ။ တောင်ခင်ရန်းဘက်ကို ဆည်ရေမလာအောင် PDF က ပိတ်ထားတယ်။ ဆည်ဘေး ဝဲယာမှာ PDF စခန်းတွေ ရှိပါတယ်။" ဟု ပြောသည်။
ဂန့်ဂေါမြို့နယ်အတွင်း ပြည်သူ့စစ်ဖွဲ့စည်းထားသော ကျေးရွာများတွင် စားနပ်ရိက္ခာပြတ်လပ်မှု၊ စိုက်ပျိုးရေးအခက်အခဲများ ဖြစ်ပေါ်လျက်ရှိသည်ကို ဒေသခံများက ဆက်သွယ်တင်ပြကြသော်လည်း ကူညီဆောင်ရွက်ပေးမည့်သူ မရှိပေ။
PDF အကြမ်းဖက်သမားများသည် ဂန့်ဂေါမြို့နယ်အတွင်းရှိ ကျေးရွာများတွင် ၎င်းတို့နှင့် ပူးပေါင်းဆောင်ရွက်ခြင်းမရှိသော ကျေးရွာများမှ ပြည်သူများကို အတိဒုက္ခရောက်စေရန် နည်းမျိုးစုံဖြင့် လုပ်ဆောင်လျက်ရှိသည်။
#MyanmarNationalPost
No comments:
Post a Comment