ပေါင်မြို့နယ်၌အယ်နီညိုဖြစ်စဥ်​ကြောင့်စိုက်ပျိုး​ရေးအ​ပေါ်သက်​ရောက်မှုများ သိရှိ​စေရန်နှင့်ဆီထွက်သီးနှံ (နေကြာ)စိုက်ပျိုးမှုစီမံကိန်း ပြည့်မီစွာဆောင်ရွက်နိုင်ရေး တောင်သူများနှင့်တွေ့ဆုံဆွေးနွေး

MNP ၊ အောက်တိုဘာ   ၁၀

မွန်ပြည်နယ် ပေါင်မြို့နယ်၌  အယ်နီညိုဖြစ်စဥ်​ကြောင့်စိုက်ပျိုး​ရေးအ​ပေါ်သက်​​ရောက်မှုများ တောင်သူများသိရှိ​စေရန်နှင့်ဆီထွက်သီးနှံ (နေကြာ) တိုးချဲ့စိုက်ပျိုးနိုင်ရေးအတွက် ဒေသခံတောင်သူများနှင့် တွေ့ဆုံပွဲကို ယနေ့နံနက် (၁၀း၃၀ )နာရီက သဲကုန်းကျေးရွာရှိ သဲ​ရွှေဝါခန်းမ၌ ပြုလုပ်ခဲ့သည်။

ရှေးဦးစွာ သထုံခရိုင်ဦးစီးမှူး​ဒေါ်သင်းသင်းဆင့်က အယ်နီညိုဖြစ်စဥ်​ကြောင့် စိုက်ပျိုး​ရေး​အ​ပေါ်သက်​​ရောက်မှုများ  တောင်သူများသိရှိစေရန် အမှာစကားပြောကြားပြီး၊မြို့နယ်စိုက်ပျိုးရေးဦးစီးဌာနမြို့နယ်ဦးစီးမှူးဦးကျော်စွာလှိုင် က တောင်သူများ၏လိုအပ်သော စပ်မျိုး နေကြာကို ဌာနအနေဖြင့် ​တောင်သူများဝယ်ယူရရှိရန်စီစဉ်ဆောင်ရွက်ပေးသွားမည်ဖြစ်ပါကြောင်း၊ ပြည်နယ်အစိုးရအဖွဲ့ ၏လမ်းညွှန်မှုဖြင့် ဓာတ်မြေသြဇာ သွင်းအားစုများကိုသက်သာသည့် စျေးနှုန်းဖြင့်ရောင်းချ ပေးသွားမည်ဖြစ်ကြောင်း၊ ဒေသတွင်းစားသုံးဆီ ဖူလုံစေပြီး တောင်သူများအချိန်တိုအတွင်း အကျိုးမြတ်ရရှိနိုင်မည့် စပ်မျိုးနေကြာစိုက်ပျိုးမှုတွင် လိုအပ်ချက်များကို  စိုက်ပျိုးရာသီမတိုင်မီ  ကြီးကြပ်ဆောင်ရွက်ပေးသွားမည်ဖြစ်ကာ  လျာထားချက်ပြည့်မီစွာ  စိုက်ပျိုးနိုင်ရေးနှင့် စိုက်ပျိုး ထုတ်လုပ်မှုတိုးတက်မြင့်မားရေးအတွက် ဆောင်ရွက်သွားမည်ဖြစ်ကြောင်း၊တောင်သူများ၏ နည်းပညာလိုအပ်ချက်များကိုလည်း စိုက်ပျိုးရေးဦးစီးဌာန ဝန်ထမ်းများက စဉ်ဆက်မပြတ် ဆောင်ရွက်သွားမည်ဖြစ်‌ ကြောင်းပြောကြားသည်။

ပေါင်မြို့နယ်တွင် ဆီထွက်သီးနှံ (နေကြာ)ကို ၂၀၂၂ -၂၀၂၃ ခုနှစ်တွင် စိုက်ဧက (၃၂၂)ဧကကို စိုက်ပျိုးနိုင်ခဲ့ပြီး ယခုနှစ်တွင်စိုက်ဧက (၁၀၀၀) စိုက်ပျိုးရန် လျာထားကာ လျာထားချက်ပြည့်မီအောင်စိုက်ပျိုးနိုင်ရေး မြို့နယ်စိုက်ပျိုးရေးဦးစီးဌာနကတောင်သူများနှင့်အတူပေါင်းစပ်ညှိနှိုင်း ဆောင်ရွက်သွားမည်ဖြစ်‌ကြောင်း သိရသည်။

https://t.me/MyanmarNationalPost