MNP ၊ အောက်တိုဘာ ၂၆
ရှမ်းပြည်နယ်(မြောက်ပိုင်း)၊ ကျောက်မဲခရိုင်၊ မိုင်းငေါ့မြို့ ချစ်ကြည်ရေးဖလား ဘောလုံးပြိုင်ပွဲကို အောက်တိုဘာ ၂၄ရက်နေ့ နံနက် (၈)နာရီအချိန်ခန့်က မန်လုံရပ်ကွက်ရှိ ဘောလုံးကွင်း၌ ကျင်းပ ပြုလုပ်ခဲ့ပါသည်။
အဆိုပါ အခမ်းအနားတွင် အမှတ်(၁၀၁၂) နည်းဗျူဟာ စစ်ဆင်ရေးကွပ်ကဲမှုအဖွဲ့ နည်းဗျူဟာမှူး ဗိုလ်မှူးကြီး အောင်မျိုးသက်က ဖဲကြိုးဖြတ် ဖွင့်လှစ်ပေးခဲ့ပြီး ပြိုင်ပွဲဝင်အသင်းများ ဖြစ်ကြသော ရန်ကင်းတောင်၊ ဈေးရပ်ကွက်၊ မန်လုံရပ်ကွက်၊ မန်ပင့်၊ မမို့၊ လွယ်ပြက်၊ ဆွတ်လွေး၊ ကျောင်းခမ်းကျေးရွာတို့မှ ဘောလုံးအသင်း (၈)သင်းတို့က (၂၄.၁၀.၂၀၂၃) ရက်နေ့မှ (၂၇.၁၀.၂၀၂၃) ရက်နေ့အထိ ယှဉ်ပြိုင် ကစားသွားကြမည် ဖြစ်ကြောင်းနှင့် ယနေ့တွင် ရန်ကင်းတောင်အသင်းနှင့် မန်လုံအသင်းတို့မှ စတင်ယှဉ်ပြိုင် ကစားသွားကြမည် ဖြစ်ပြီး (၂၉.၁၀.၂၀၂၃) ရက်နေ့တွင် ဗိုလ်လုပွဲနှင့် ဆုချီးမြှင့်ပွဲ အခမ်းအနားကို ဆက်လက် ကျင်းပ ပြုလုပ်သွားမည် ဖြစ်ကြောင်း တာဝန်ရှိသူတစ်ဦး၏ ပြောကြားချက်အရ သိရသည်။
အခမ်းအနားသို့ အမှတ်(၁၀၁၂) နည်းဗျူဟာ စစ်ဆင်ရေးကွပ်ကဲမှုအဖွဲ့ နည်းဗျူဟာမှူး ဗိုလ်မှူးကြီး အောင်မျိုးသက်၊ မြို့အထွေထွေအုပ်ချုပ်ရေးဦးစီးဌာန မြို့အုပ်ချုပ်ရေးမှူး ဦးမင်းသိုက်ထွန်း၊ မိုင်းငေါ့နယ်မြေ ရဲစခန်းမှ စခန်းမှူး ရဲအုပ် ဟန်သက်အောင်နှင့် ဌာနဆိုင်ရာ တာဝန်ရှိသူများ တက်ရောက်ခဲ့ကြသည်။
မြင့်သွယ်
https://t.me/MyanmarNationalPost
No comments:
Post a Comment