နန်ချန်း၊ အောက်တိုဘာ ၁၃
တရုတ်ကွန်မြူနစ်ပါတီ (CPC) ဗဟိုကော်မတီ အထွေထွေအတွင်းရေးမှူးချုပ် ရှီကျင့်ဖိန်သည် တရုတ်နိုင်ငံ ခေတ်မီအသွင်ပြောင်းမှုကို ပိုမိုကောင်းမွန်စွာ ပံ့ပိုး ဆောင်ရွက်နိုင်ရန် ယန်ဇီမြစ် စီးပွားရေးလမ်းကြောင်း အရည်အသွေးမြင့် တိုးတက်မှု ထပ်မံမြှင့်တင်ရေးအတွက် တိုက်တွန်းပြောကြားခဲ့သည်။
တရုတ်နိုင်ငံ သမ္မတနှင့် ဗဟိုစစ်ကော်မရှင် ဥက္ကဋ္ဌလည်း ဖြစ်သူ ရှီက အောက်တိုဘာ ၁၂ ရက်တွင် ပြုလုပ်သော ယန်ဇီမြစ် စီးပွားရေးလမ်းကြောင်း တိုးတက်မှု အဆင့်မြှင့်တင်ခြင်းဆိုင်ရာ စာတမ်းဖတ်ပွဲ၌ သဘာပတိအဖြစ် ဆောင်ရွက်စဉ် အထက်ပါအတိုင်း မှတ်ချက်ပြုခဲ့ခြင်း ဖြစ်သည်။
အလွှာအသီးသီး၌ ဖွံ့ဖြိုးတိုးတက်မှု အတွေးအမြင်သစ်ကို အပြည့်အဝ ယုံကြည်မှုရှိစွာ အကောင်အထည်ဖော်ခြင်း၊ ဂေဟ-ပတ်ဝန်းကျင် တိုးတက်မှု ဦးစားပေးခြင်းနှင့် အစိမ်းရောင် ဖွံ့ဖြိုးတိုးတက်မှု လိုက်နာဆောင်ရွက်ခြင်း စသည်တို့၏ အရေးပါမှုကို ရှီက အလေးထားပြောခဲ့သည်။
ဒေသတွင်း၏ ဖွံ့ဖြိုးတိုးတက်မှုကို သိပ္ပံနှင့် နည်းပညာ တီထွင်ဆန်းသစ်မှုက ဦးဆောင်ရမည်ဖြစ်သလို ဂေဟဗေဒနှင့် သဘာဝပတ်ဝန်းကျင် ကာကွယ်ရေး၊ စီးပွားရေးနှင့် လူမှုဖွံ့ဖြိုးတိုးတက်ရေးကိုလည်း ညှိနှိုင်းဆောင်ရွက်မှုရှိသော သဘောထားဖြင့် အဆင့်မြှင့်တင်သွားရမည်ဖြစ်ကြောင်း သမ္မတ ရှီက ဆိုသည်။
မူဝါဒများ ပေါင်းစည်းရေး အားကောင်းမှုရှိစေရန်၊ ကာလရှည် စီမံကိန်းများချမှတ်ရေး ဆောင်ရွက်ရန်၊ ကာလရှည် ဖြေရှင်းမှုများ အဖြေရှာရန်နှင့် ရေရှည်တည်တံ့သော တည်ငြိမ်မှုအတွက် အုတ်မြစ် ချမှတ်ရန်လည်း အရေးကြီးကြောင်း သမ္မတ ရှီက ဖြည့်စွက်ပြောခဲ့သည်။
အဆိုပါ ယန်ဇီမြစ် စီးပွားရေးလမ်းကြောင်း တိုးတက်မှု အဆင့်မြှင့်တင်ခြင်းဆိုင်ရာ စာတမ်းဖတ်ပွဲအား ဝန်ကြီးချုပ် လီချန်၊ CPC ဗဟိုကော်မတီ အထွေထွေရေးရာရုံး အကြီးအကဲ ချိုက်ချီ၊ ဒုတိယဝန်ကြီးချုပ် တင်းရွှဲရှန် တို့ တက်ရောက်ခဲ့ကြသည်။
ယန်ဇီမြစ် စီးပွားရေးလမ်းကြောင်း တိုးတက်ရေးမဟာဗျူဟာ စတင် အကောင်အထည်ဖော်ချိန်မှစ၍ လွန်ခဲ့သော ၈ နှစ်တာကာလအတွင်း ယင်းဒေသတွင် အံ့ဩဖွယ် ပြောင်းလဲမှုများ ဆောင်ရွက်နိုင်ခဲ့ကြောင်း သမ္မတ ရှီကျင့်ဖိန်က ပြောကြားခဲ့သည်။
Ref - (Xinhua)
https://t.me/MyanmarNationalPost
No comments:
Post a Comment