MNP ၊ အောက်တိုဘာ ၃
မကွေးတိုင်းဒေသကြီး မင်းဘူးခရိုင် စလင်းမြို့နယ် မြန်မာ့လယ်ယာဖွံ့ဖြိုးရေးဘဏ်မှ တောင်သူများ လူမှုစီးပွားဖွံ့ဖြိုးတိုးတက်ရေးအတွက် မိုးရာသီစိုက်ပျိုးစရိတ်ချေးငွေများကို ၂၀၂၃ခုနှစ် မေလ(၁၉)ရက်နေ့မှ စတင်ထုတ်ချေးပေးလျက်ရှိရာ စက်တင်ဘာနောက်ဆုံးပတ်၌ ငွေကျပ်(၆၆၇၁၀၀၀၀၀)ထုတ်ချေးပေးပြီးဖြစ်ကြောင်း မြန်မာ့လယ်ယာဖွံ့ဖြိုးရေးဘဏ်မှ သိရသည်။
မိုးရာသီစိုက်ပျိုးစရိတ်များကို ထုတ်ချေးပေးရာတွင် စလင်းမြို့နယ်အတွင်းရှိ ကျေးရွာအုပ်စု(၁၁၀)နှင့် ကျေးရွာအုပ်စု(၉၁)အုပ်စုမှ တောင်သူ(၁၀၄၃၈)ဦးတို့၏ မိုးရာသီစပါးစိုက်ပျိုးဧကပေါင်း(၃၁၇၃၈)ဧက၊ ပဲတီစိမ်း(၁၁၃၁၈)ဧက၊ နှမ်း(၅၈၆၀)ဧက၊ မြေပဲ(၂၀၃)ဧက၊ ချည်မျှင်ရှည်ဝါ(၁၆၈၃)ဧက၊ စုစုပေါင်းစိုက်ပျိုးဧက(၅၀၈၀၂)ဧကအတွက် စုစုပေါင်းငွေကျပ်သိန်း(၆၆၇၁၀၀၀၀၀)ကို ထုတ်ချေးပေးနိုင်ခဲ့ပြီးဖြစ်ကြောင်း သိရသည်။
မောင်လွင်
https://t.me/MyanmarNationalPost
No comments:
Post a Comment