MNP ၊ အောက်တိုဘာ ၄
ရှမ်းပြည်နယ်(တောင်ပိုင်း)၊ မိုင်းနောင်မြို့အတွင်းရှိ ကိုယ်ဝန်ဆောင်မိခင်များနှင့် ကလေးငယ်များအား လစဥ်ပုံမှန်ကာကွယ်ဆေးထိုးခြင်း၊ တိုက်ကျွေးခြင်းလုပ်ငန်းများကို ယနေ့ နံနက်(၈)နာရီက တိုက်နယ်ကျန်းမာရေးဌာနတွင် ဆောင်ရွက်ခဲ့သည်။
ထိုသို့ ကာကွယ်ဆေးထိုးနှံတိုက်ကျွေးခြင်း ဆောင်ရွက်ရာတွင် မိုင်းနောင်တိုက်နယ် ကျန်းမာရေးဌာနမှတာဝန်ခံ ဒေါ်နန်းမေထားနှင့် ကျန်းမာရေးဝန်ထမ်းများက မြို့ပေါ်ရပ်ကွက်နှင့် တပ်ရင်း၊တပ်ဖွဲ့များမှ ကိုယ်ဝန်ဆောင်မိခင်များအား ကျန်းမာရေးစစ်ဆေးပေးခြင်း၊ ငှက်ဖျား၊ AIDSနှင့် အခြားရောဂါများ ရှိ/မရှိစစ်ဆေးပေးခြင်း၊ အသက်(၂)လမှ(၁)နှစ်ခွဲအထိ ကလေးငယ်များအား၊ ငါးမျိုးစပ်ကာကွယ်ဆေး၊ ပြင်းထန်ဝမ်းပျက်ဝမ်းလျှော(ရိုတာ)ဆေး၊ ပြင်းထန်အဆုတ်ရောင်၊ ဂျပန်ဦးနှောက်ရောင်၊ ဝက်သက်ဂျိုက်သိုးကာကွယ်ဆေးများ၊ပို လီယိုရောဂါကာကွယ်ဆေးများကို ကိုယ်ဝန်ဆောင်မိခင်(၄၂)ဦး ၊ ကလေးငယ်(၆၃)ဦးတို့အား ထိုးနှံ၊တိုက်ကျွေးပေးခဲ့ကြကြောင်း သိရသည်။
မနန်း
https://t.me/MyanmarNationalPost
No comments:
Post a Comment