MNP ၊ အောက်တိုဘာ ၆
ဧရာဝတီတိုင်းဒေသကြီး၊ မြောင်းမြခရိုင်၊ မြောင်းမြမြို့နယ် ပညာရေးကော်မတီဥက္ကဋ္ဌဖလား ကျောင်းပေါင်းစုံ အသက် (၁၈) နှစ်အောက် အမျိုးသားဘောလုံးပြိုင်ပွဲ အကြိုဗိုလ်လုပွဲကို စခန်းကြီး အ.ထ.ကနှင့် ငုအိုင် အ.ထ.က (ခွဲ)တို့က ယမန်နေ့နေ့လည် (၂) နာရီအချိန်က မြောင်းမြမြို့၊ မြို့မအားကစားကွင်း၌ ယှဉ်ပြိုင်ကစားကြသည်။
အဆိုပါ အကြိုဗိုလ်လုပွဲစဉ်တွင် စခန်းကြီး အ.ထ.က က ငုအိုင်အ.ထ.က(ခွဲ) ကို ၂ ဂိုး၊ ဂိုးမရှိဖြင့် အနိုင်ရခဲ့ပြီး ဗိုလ်လုပွဲသို့ တက်ရောက်သွားကြောင်း သိရသည်။ အလားတူ ငါးမြင်းချောင်း အ.ထ.က နှင့် အ.ထ.က (၂) ရေတွင်းရေကန် တို့ ယှဉ်ပြိုင်ကစားကြရာ ငါးမြင်းချောင်း အ. ထ. က က နှစ်ဂိုး-တစ်ဂိုးဖြင့် အနိုင်ရခဲ့ရာ စခန်းကြီး အ.ထ.က နှင့် ဗိုလ်လုပွဲတွင် တွေ့ဆုံ ယှဉ်ပြိုင်ကစားရမည်ဖြစ်ကြောင်း သိရသည်။
အဆိုပါ ကျောင်းပေါင်းစုံ အသက် (၁၈) နှစ်အောက် အမျိုးသားဘောလုံးပြိုင်ပွဲကို မြောင်းမြမြို့နယ်အတွင်းရှိ ကျောင်းများမှ အသင်း (၂၂) သင်းတို့က ယှဉ်ပြိုင်ကစားကြကြောင်း သိရသည်။
https://t.me/MyanmarNationalPost
No comments:
Post a Comment