MNP ၊ အောက်တိုဘာ ၄
ဧရာဝတီတိုင်းဒေသကြီး၊ ဟင်္သာတခရိုင် မွေးမြူရေးနှင့် ကုသရေးဦးစီးဌာနတွင် ၂၀၂၃ ခုနှစ် တိရစ္ဆာန်ကောင်ရေ စာရင်းကောက်ယူခြင်းဆိုင်ရာ ဆင့်ပွားသင်တန်းကို ယမန်နေ့ နံနက်ပိုင်းက ခရိုင်မွေးမြူရေးနှင့် ကုသရေးဦးစီးမှူးရုံး၌ ဖွင့်လှစ်ခဲ့သည်။
အိမ်ထောင်စုအလိုက် မွေးမြူထားသော အိမ်မွေးတိရစ္ဆာန်များနှင့် ကျေးရွာအတွင်းရှိ စီးပွားဖြစ် မွေးမြူထားသော တိရစ္ဆာန်များကို စာရင်းကောက်ခြင်းဆိုင်ရာ ဆင့်ပွားသင်တန်းအား ခရိုင်ဦးစီးမှူး ဒေါက်တာ အောင်သူမျိုးမှ ကြီးကြပ်၍ ဟင်္သာတမြို့နယ်ဦးစီးမှူး ဒေါက်တာ ယုနန္ဒာအောင်မှ လူတွေ့မေးမြန်းခြင်းဆိုင်ရာ မေးခွန်းလွှာနှင့် ပတ်သက်၍ အချက်အလက်များအား ရှင်းလင်းခြင်း၊ CommCare App ရေးသွင်းခြင်းတို့အား ရှင်းလင်းပြသ၍ ဟင်္သာတမြို့နယ်မှ ဌာနဆိုင်ရာ ဝန်ထမ်း ၆ ဦး၊ စာရင်းကောက်သင်တန်းသား ၇၅ ဦးအား နံနက်ပိုင်းတွင် သင်တန်းပို့ချပေးခဲ့သည်။
နေ့လယ်ပိုင်းတွင် အဆိုပါ သင်တန်းသားများနှင့်အတူ မြို့နယ်ဦးစီးမှူး ဒေါက်တာ ယုနန္ဒာအောင် ဦးဆောင်၍ ဟင်္သာတမြို့နယ် ကုန်းကြီးအုပ်စု ကျုံဖားကျေးရွာသို့ ကွင်းဆင်း၍ အိမ်ထောင် စု ၁၄၉ စုတို့တွင် မွေးမြူထားသည့် တိရစ္ဆာန်ကောင်ရေ စာရင်းများ လက်တွေ့ကွင်းဆင်း ကောက်ယူခဲ့ကြောင်း သိရသည်။
https://t.me/MyanmarNationalPost
No comments:
Post a Comment