MNP ၊ အောက်တိုဘာ ၁၈
ရခိုင်ပြည်နယ်၊ ကျောက်ဖြူမြို့ပေါ်ရပ်ကွက်များနှင့် ကျေးရွာများရှိ ပြည်သူများအား မီးပေါ့ဆမှု မရှိရေးနှင့်မီးဘေးအန္တရာယ်ကင်းဝေးစေရေးအတွက် အသိပညာပေးပိုစတာများကို ယမန်နေ့ မွန်းလွဲပိုင်း က အများပြည်သူသိရှိနိုင်စေရန် လမ်းဆုံနေရာများတွင် စိုက်ထူခဲ့သည်။
အဆိုပါ မီးဘေးအန္တရာယ်အသိပညာပေး မြေစိုက်ပိုစတာဆိုင်းဘုတ်တွင် “သင့်ကြောင့် မီးမလောင်ပါစေနှင့်” ၊ မီးဘေးအန္တရာယ်ကြုံတွေရလာပါက ဆက်သွယ်နိုင်ရန် အရေးပေါ် ဖုန်းနံပါတ်များ စသည့် အသိပညာပေးပိုစတာများကို အများပြည်သူမြင်သာသည့် လမ်းဆုံနေရာများဖြစ်သော မြို့အဝင် လမ်းဆုံ၊ အဝေးပြေးကားကြီးဝင်းလမ်းဆုံ၊ အလယ်ပိုင်းရပ်ကွက် နာရီစင်အဝိုင်းပတ် လမ်းဆုံ၊ ငလပွေ့ ရပ်ကွက်ရှိ အမြန်ရေယာဉ်ဆိပ်ကမ်းနှင့် အေးမြသာယာကျေးရွာတို့တွင် ကျောက်ဖြူခရိုင်/မြို့နယ် မီးသတ် ဦးစီးဌာနမှ ဝန်ထမ်းများနှင့် ရပ်ကွက်/ကျေးရွာ အုပ်ချုပ်ရေးမှူးများနှင့်အတူ ပူးပေါင်း၍ စိုက်ထူခဲ့ကြကြောင်း သိရသည်။
တင်ထွန်းဦး၊ ဖြိုးဝေလင်း
https://t.me/MyanmarNationalPost
No comments:
Post a Comment