MNP ၊ အောက်တိုဘာ ၁၃
ပြန်ကြားရေး နှင့်ပြည်သူ့ဆက်ဆံရေးဦးစီးဌာနနှင့် စာပေချစ်မြတ်နိုးသူများအသင်း Book Club နှင့်ပူးပေါင်း၍ စာရေးဆရာကြီး အောင်သင်း၏ “ ခေတ်သစ်ကမ္ဘာအတွက် ပညာရေးနှင့် စာရိတ္တပျိုးထောင်မှု" စာအုပ်ဖြင့် လူထုအခြေပြုဗဟိုဌာန Community Centre ခန်းမ၌ ယနေ့နံနက်ပိုင်းက စာရေးဆရာကြီး အောင်သင်း၏" ခေတ်သစ်ကမ္ဘာအတွက်ပညာရေးနှင့်စာရိတ္တပျိုးထောင်မှု"စာအုပ်ဖြင့် မုဒိတာစာဖတ်ဝိုင်း ပြုလုပ်ခဲ့သည်။
အဆိုပါ စာဖတ်ဝိုင်းတွင် စာပေချစ်မြတ်နိုးသူများအသင်း(Book Club) ဥက္ကဋ္ဌ စာရေးဆရာမ ဒေါ်ခင်ယုနိုင် ( အေပရယ်ယုနိုင်)က စာဖတ်ဝိုင်းပြုလုပ်ခြင်းဖြင့် တက်ရောက်လာသူများအား စာပေကိုမြတ်နိုး တန်ဖိုးထားတတ်ပြီး စာဖတ်သည့်အလေ့အကျင့်ကောင်းများ မွေးမြူကြရန်နှင့် မျိုးဆက်သစ် စာရေးဆရာများ ပေါ်ပေါက်လာစေရန်ရည်ရွယ်၍ စာဖတ်ဝိုင်းများကို လစဉ်ပုံမှန် ဆောင်ရွက်သွားမည်ဖြစ်ကြောင်း သိရှိရသည်။ ဆက်လက်၍ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ မြို့နယ်ဦးစီးမှူး ဒေါ်ငြိမ်းငြိမ်းသန့်က စာဖတ်ခြင်း၏ အကျိုးကျေးဇူးနှင့် စာဖတ်ဝိုင်းပြုလုပ်ရခြင်း၏ ရည်ရွယ်ချက်များကို ရှင်းလင်းပြောကြားခဲ့သည်။
ဆက်လက်၍ တက်ရောက်လာသော စာပေချစ်မြတ်နိုးသူများကစာရေးဆရာကြီး အောင်သင်း၏
"ခေတ်သစ်ကမ္ဘာအတွက်ပညာရေးနှင့်စာရိတ္တပျိုးထောင်မှု"စာအုပ်ပါ " ခေတ်သစ်ကမ္ဘာအတွက်ပညာရေး" ခေါင်းစဉ်ပါ အကြောင်းအရာများကို ဆရာကြီး ဦးအုန်းမောင် မောင်အေးငြိမ်း(သရက်)ကလည်းကောင်း၊ "ပညာရေးနှင့်စာရိတ္တပျိုးထောင်မှု" ခေါင်းစဥ်ပါ အကြောင်းအရာများကို ဆရာကြီး ဦးကြည်ညွန့် (အောင်ပြည့်စုံ)ကလည်းကောင်း ဆွေးနွေးကြရာ တက်ရောက်လာသူများက ပြန်လည် ဆွေးနွေးခဲ့ကြောင်းသိရသည်။
ကိုကိုမင်း
https://t.me/MyanmarNationalPost
No comments:
Post a Comment