MNP ၊ အောက်တိုဘာ ၁၇
ရှမ်းပြည်နယ်(အရှေ့ပိုင်း)၊ မိုင်းယန်းခရိုင်၊ မိုင်းယန်းမြို့နယ် စိုက်ပျိုးရေးဦးစီးဌာနမှ တရုတ်ပြည် DU-12 စပါးမျိုး စံပြစိုက်ကွက် ကွင်းသရုပ်ပြရိတ်သိမ်းခြင်းကို ယနေ့နံနက် ၁၀ နာရီက မွန်ကဲရပ်ကွက်နေ ဦးပိုင်တောင်သူ ဦးထွန်းကြာ၏ လယ်မြေစံပြစိုက်ကွက်၌ ဆောင်ရွက်သည်။
အဆိုပါ စံပြစိုက်ကွက်ရိတ်သိမ်းမှုအား မိုင်းယန်းခရိုင်၊ အထွေထွေအုပ်ချုပ်ရေးဦးစီးဌာန၊ ဒုတိယခရိုင်အုပ်ချုပ်ရေးမှူး ဦးမန်ကိုဟော၊ မြို့နယ်အုပ်ချုပ်ရေးမှူး ဦးအောင်ဇင်ဦး၊ ခရိုင်/ မြို့နယ်အဆင့်ဌာနဆိုင်ရာများ၊ လယ်ယာမြေ စီမံခန့်ခွဲမှုကော်မတီအဖွဲ့ဝင်များနှင့် တောင်သူများမှ ကြည်ရှု့အားပေးခဲ့ကြပြီး မွန်ကဲရပ်ကွက် ကွင်းအမှတ်(၁၂)၊ ဦးပိုင်အမှတ်(၃၆)၊ တောင်သူ ဦးထွန်းကြာ၏ တရုတ်ပြည် DU-12 စပါးမျိုး စံပြစိုက်ကွက်တွင် အထွက်နှုန်း စပါးအစို အထွက်တင်း (၁၅၆.၂)တင်း ထွက်ရှိခဲ့ကြောင်း မြို့နယ်စိုက်ပျိုးရေးဦးစီးဌာနမှ သိရသည်။
ထွန်းထွန်းထူး
https://t.me/MyanmarNationalPost
No comments:
Post a Comment