MyanmarNationalPost

 

မော်စကို၊ အောက်တိုဘာ ၉

အစ္စရေးနဲ့ ပါလက်စတိုင်းတို့ရဲ့ တိုက်ပွဲတွေကို အဆုံးသတ်ဖို့ လိုအပ်တယ်လို့ ရုရှားနိုင်ငံခြားရေးဝန်ကြီး Sergey Lavrov က အာရပ်အဖွဲ့ချုပ် အထွေထွေအတွင်းရေးမှူး Ahmed Aboul Gheit နှင့် တွေ့ဆုံရာမှာ ပြောကြားခဲ့သည်။

“တိုက်ပွဲတွေ အဆုံးသတ်ပြီး အရပ်သား အများအပြား သေဆုံးမှု ပြဿနာကို ဖြေရှင်းရေးအပြင် ပါလက်စတိုင်း ပြဿနာကို ဆယ်စုနှစ်များစွာ ဖြေရှင်းဖို့ မဖြစ်နိုင်တဲ့ အကြောင်းရင်းတွေကိုလည်း အထူး အာရုံစိုက်ဖို့ လိုပါတယ်” ဟု ရုရှား ထိပ်တန်း သံတမန်က မှတ်ချက်ပြုသည်။ .

“ရုရှားနဲ့ အာရပ်အဖွဲ့ချုပ်အဖွဲ့ဝင်တွေကြား ဝန်ကြီးအဆင့် အစည်းအဝေးတွေအပါအဝင် ဒီနေ့မှာ ကျွန်တော်တို့ရဲ့ ပူးပေါင်းဆောင်ရွက်မှုကဏ္ဍအားလုံးကို ဆွေးနွေးဖို့ စီစဉ်ထားပေမယ့် အစ္စရေး-ပါလက်စတိုင်း တင်းမာမှုတွေက လက်ရှိ မြင့်တက်နေပြီး ပဋိပက္ခဇုန် အဖြစ် ရေရှည်မဖြစ်သင့်ဘူး။ ပိုမိုကောင်းမွန်သည့် အစီအစဉ် အပြောင်းအလဲအချို့ လိုအပ်ပါတယ်" ဟု Lavrov မှပြောကြားခဲ့သည်။

ဂါဇာကမ်းမြှောင်မှ အစ္စရေးဘက်သို့ အောက်တိုဘာ ၇ ရက် နံနက်တွင် ဒုံးကျည်ဖြင့် တိုက်ခိုက်ခံခဲ့ရသည်။ တစ်ပြိုင်နက်တည်းတွင် စစ်သွေးကြွအဖွဲ့ အများအပြားသည် အစ္စရေးနိုင်ငံအတွင်းသို့ ထိုးဖောက်ဝင်ရောက်ကာ အစ္စရေးတပ်ဖွဲ့များနှင့် တိုက်ခိုက်မှုများ ပြုလုပ်လျက်ရှိသည်။ အစ္စရေးစစ်တပ်သည် စစ်ပွဲအတွက် အဆင်သင့်ဖြစ်နေကြောင်း ကြေညာပြီး သံမဏိဓားများစစ်ဆင်ရေး ဟုခေါ်သော လက်တုံ့ပြန်သည့် လုပ်ရပ်များကို စတင်ခဲ့သည်။ တင်းမာမှုများ ပြန်လည်ဖြစ်ပွားချိန်မှစ၍ ပါလက်စတိုင်း ၅၀၀ ခန့် သေဆုံးခဲ့ပြီး ၂၇၀၀ ခန့် ဒဏ်ရာများ ရရှိခဲ့ကြောင်း နောက်ဆုံးရ အချက်အလက်များအရ သိရသည်။ အစ္စရေးတွင် လူ ၇၀၀ ကျော် အသက်ဆုံးရှုံးခဲ့ပြီး ၂၂၀၀ ကျော် ဒဏ်ရာရရှိခဲ့သည်။

 Ref - TASS

https://t.me/MyanmarNationalPost