ဗုဒ္ဓဘာသာအပေါ် ပစ်မှတ်ထားစော်ကားလာသော အကြမ်းဖက်အဖွဲ့များ၏ လုပ်ရပ်များအား မန္တလေးမြို့ပေါ်တွင် သံဃာတော်များ ဦးဆောင်ဆန္ဒပြ

MNP ၊ ဇန်နဝါရီ ၉

လက်နက်ကိုင် အကြမ်းဖက်သောင်းကျန်းသူများက ဗုဒ္ဓဘာသာအပေါ် ပစ်မှတ်ထား စော်ကားမှုများ လုပ်ဆောင်လာသည့်အပေါ် မန္တလေးမြို့တွင် မျိုးချစ်မြန်မာရဟန်းတော်များသမဂ္ဂ (မန္တလေး)နှင့် ဗုဒ္ဓဘာသာဝင် ပြည်သူများက ယနေ့ ဆန္ဒပြ ကန့်ကွက်ရှုတ်ချမှုများ လုပ်ဆောင်လျက်ရှိကြောင်း သိရသည်။

ယမန်နေ့ က ထွက်ပေါ်လာသည့် MNDAA အကြမ်းဖက်အဖွဲ့က ဗုဒ္ဓရုပ်ပွားတော်များကို ဖျက်ဆီးခြင်း၊ စေတီတော်ကို ဖြိုဖျက်သည့် ရုပ်သံမှတ်တမ်းများ ထွက်ပေါ်လာပြီးနောက် အကြမ်းဖက်သမားများ၏ လုပ်ရပ်အပေါ် ဗုဒ္ဓဘာသာဝင် ရဟန်းရှင်လူ ပြည်သူတစ်ရပ်လုံးက ယူကြုံးမရဖြစ်ခဲ့ကြရသည်။

ယနေ့ မန္တလေးမြို့ပေါ်တွင် နေရာ ၃နေရာ လှည့်လည်၍ ဗုဒ္ဓဘာသာအပေါ် ပစ်မှတ်ထား စော်ကားလာသည့် လုပ်ရပ်များအပေါ် ကန့်ကွက်ရှုတ်ချသွားမည်ဖြစ်ကြောင်း သိရသည်။

Photo Crd -

https://t.me/MyanmarNationalPost