MNP ၊ဇန်နဝါရီ ၁၇
မကွေးတိုင်းဒေသကြီးအစိုးရအဖွဲ့ လမ်းပန်းဆက်သွယ်ရေးဝန်ကြီး ရဲမှူးကြီးလင်းထွဋ်သည် တာဝန်ရှိသူများလိုက်ပါ၍ ဇန်နဝါရီ ၁၆ ရက် မွန်းလွဲ၁နာရီက ချောက်မြို့နယ်ကြီးနီ-မိုလာ-စလေလမ်း(ကြီးနီအပိုင်း) ကတ္တရာလမ်းအား ၁၈ ပေ အကျယ်တိုးချဲ့တည်ဆောက်ခြင်းနှင့် လမ်းမျက်နှာပြင် နိမ့်မြင့်ညှိ၍ ကတ္တရာရေပိတ်လွှာလောင်းခြင်းလုပ်ငန်း ပြီးစီးမှုအခြေအနေ ကွင်းဆင်းကြည့်ရှုစစ်ဆေးခဲ့သည်။
ထို့နောက် မကွေးတိုင်းဒေသကြီးအစိုးရအဖွဲ့ လမ်းပန်းဆက်သွယ်ရေးဝန်ကြီး ရဲမှူးကြီး လင်းထွဋ်က (ကြီးနီအပိုင်း)လမ်းသည် ဂွေးချို-ချောက်-ဆိပ်ဖြူ(NH-16)နှင့် လာရောက်တွေ့ဆုံသည့်လမ်းဖြစ်ပြီး ၁၈ ပေ အကျယ်ကတ္တရာလမ်းခင်းခြင်းဖြစ်၍ ကျေးရွာနေပြည်သူများ လမ်းပန်းဆက်သွယ်ရေး လွယ်ကူချောမွေ့ပြီး စီးပွားရေး၊ ပညာရေး၊ ကျန်းမာရေးအစရှိသည့် လူနေမှုဘဝ တိုးတက်မြင့်မားလာမည်ဖြစ်ကြောင်း၊ ထပ်မံ၍ ၁၈ ပေ မှ ၂၄ ပေ အကျယ်လမ်းအဖြစ် တိုးချဲ့တည်ဆောက်နိုင်သည်အထိ ကြိုးစားရန်လိုအပ်ကြောင်း၊ (NH-16)လမ်းမကြီးနှင့် တွေ့ဆုံသည့်အပိုင်းတွင် လမ်းညွှန်ဆိုင်းဘုတ်များအား ၂၀၂၂ ခုနှစ် ကုန်းလမ်းပို့ဆောင်ရေးညွှန်ကြားမှုဦးစီးဌာန ညွှန်ကြားချက်နှင့် ကိုက်ညီသည့် ဆိုင်းဘုတ်များ စိုက်ထူရန်နှင့် လမ်းတစ်လျှောက်တွင်လည်း အခြားလိုအပ်မည့် လမ်းညွှန်များ၊ လမ်းအမှတ်အသားများ၊ အချက်ပြများအား လမ်းအင်္ဂါရပ်နှင့်အညီ ပြည်စုံအောင် ဆောင်ရွက်နိုင်ရေး၊ လမ်းဘေးရေနုတ်မြောင်းများ လိုအပ်သလို တူးဖော်ဆောင်ရွက်နိုင်ရေး ဆောင်ရွက်ရန် တာဝန်ရှိသူများကို လမ်းညွှန်မှာကြားသည်။
ချောက်မြို့နယ်၊ ကြီးနီ-မိုလာ-စလေလမ်း(ကြီးနီအပိုင်း)သည် လမ်းအရှည်မှာ ၂ မိုင် ဖြစ်ပြီး ၂၀၂၃- ၂၀၂၄ ဘဏ္ဍာရေးနှစ်၊ တိုင်းဒေသကြီးအစိုးရအဖွဲ့၏ ငွေလုံးငွေရင်းခွင့်ပြုရန်ပုံငွေကျပ် ၄၀၉ ဒသမ ၁၀ သန်းဖြင့် ၁ မိုင် လမ်းအရှည်အားမူလ ၁၂ ပေ အကျယ်ကတ္တရာလမ်းမှ ၁၈ ပေ အကျယ်တိုးချဲ့တည်ဆောက်ကာ လမ်းမျက်နှာပြင်နိမ့်မြင့်ညှိ၍ ၄ ဖာလုံအား ကတ္တရာရေပိတ်လွှာလောင်းခြင်း အဆင့်မြှင့်တင်မှုလုပ်ငန်းဆောင်ရွက်ခြင်းဖြစ်ကြောင်း သိရသည်။
https://t.me/MyanmarNationalPost
No comments:
Post a Comment