MNP ၊ ဖေဖော်ဝါရီ ၆
ဧရာဝတီတိုင်းဒေသကြီး ၊ လပွတ္တာခရိုင် ၊ လပွတ္တာမြို့နယ် အ . ထ. က (၂)ကျောင်းတွင် ၂၀၂၃ - ၂၀၂၄ ပညာသင်နှစ် ပညာရေးစုံညီပွဲတော်နှင့် ဆုချီးမြှင့်ခြင်း အခမ်းအနားကို ယမန်နေ့ နံနက် ၉ နာရီတွင် အ.ထ.က(၂) ကျောင်း ဧရာဝတီခန်းမ၌ ကျင်းပပြုလုပ်ခဲ့သည်။
အဆိုပါ အခမ်းအနားတွင် အ.ထ.က (၂)ကျောင်းမှ ကျောင်းသူလေးများက “စုံညီပွဲတော်တို့နွှဲ ပျော်’’ သီချင်းသီဆို၍ အခမ်းအနားကို ဖွင့်လှစ်၍ လပွတ္တာခရိုင် ပညာရေးမှုရုံးမှ ဦစီးအရာရှိ ဒေါ်စန်းစန်းအေးက အဖွင့်အမှာစကား ပြောကြားခဲ့သည်။ ယင်းနောက် ကျောင်းအကျိုးတော်ဆောင်တစ်ဦးက ကျေးဇူးတင်စကား ပြောကြားခဲ့ပြီး လပွတ္တာခရိုင် ပညာရေးမှူး ဦးဦးသန်းမောင်နှင့် တာဝန်ရှိသူများက စာပေ ၊ ပန်းချီနှင့် ကျပန်းစကားပြောပြိုင်ပွဲတွင် ဆုရရှိသူများ ၊ ကျောင်းတွင်းအားကစားပြိုင်ပွဲတွင် ဆုရရှိသူများအား ဆုများအသီးသီး ပေးအပ်ချီးမြှင့်ခဲ့ကြပြီး ကျောင်းသား ၊ ကျောင်းသူလေးများက အကပဒေသာများဖြင့် ကပြဖျော်ဖြေခဲ့ကြောင်း သိရသည်။
https://t.me/MyanmarNationalPost
No comments:
Post a Comment