MNP ၊ ဖေဖော်ဝါရီ ၂၀
မွန်ပြည်နယ် ဘီးလင်းမြို့နယ် စားသုံးရေးရာ ဦးစီးဌာနမှဝန်ထမ်းများသည် ဘီးလင်းမြို့နယ် အတွင်းရှိ မီနီမတ်နှင့် စတိုးဆိုင်များတွင် သက်တမ်းလွန် အသင့်စားခေါက်ဆွဲခြောက် များရောင်းချမှု ရှိ၊မရှိ ကွင်းဆင်းစစ်ဆေးခြင်း ကို ယနေ့ နံနက်ပိုင်းက သွားရောက်စစ်ဆေးခဲ့ကြသည်။
အဆိုပါ အသင့်စားခေါက်ဆွဲခြောက်များကို ကွင်းဆင်းစစ်ဆေးရာ၌ ဘီးလင်းမြို့နယ် စားသုံးသူရေးရာဦးစီးဌာနမှ ဦးစီးမှူး ဒေါ်ဇင်ဖြူဝင်းနှင့် ဝန်ထမ်းများက မီနီမတ်နှင့် စတိုး ဆိုင်များသို့သွားရောက်၍အသင့်စားခေါက်ဆွဲ ခြောက်မျိုးစုံတို့တွင် ကုန်ညွှန်းအမှတ်အသား ပြည့်စုံစွာ ဖော်ပြထားခြင်း ရှိ၊မရှိ နှင့် သက်တမ်းလွန်ရောင်းချနေခြင်း ရှိ၊မရှိ တို့ကို စစ်ဆေးပြီး အစားအသောက် နှင့်ပတ်သက် ၍ လမ်းညွှန်မှာကြား အသိပညာပေးခြင်း တို့ကို ဆောင်ရွက်ခဲ့ကြောင်း သိရသည်။
ထူးနောင်
https://t.me/MyanmarNationalPost
No comments:
Post a Comment