MNP ၊ ဖေဖော်ဝါရီ ၂၂
ရခိုင်ပြည်နယ်၊ သံတွဲခရိုင် ၊ ဂွမြို့နယ်အတွင်းရှိအခြေခံပညာကျောင်းများတွင် ၂၀၂၃- ၂၀၂၄ ပညာသင် နှစ်ရှိ (Grade-5) နှင့်(Grade-9) ကျောင်းသား၊ကျောင်းသူများသည် ယနေ့ နံနက် ၉ နာရီ မှစတင်ကာ သက်ဆိုင်ရာ ကျောင်းများအလိုက် ခရိုင်အဆင့်နှင့် ပြည်နယ်အဆင့် စာမေးပွဲကို စစ်ဆေးလျက်ရှိရာကျောင်းသား၊ ကျောင်းသူ များက တည်ငြိမ် အေးချမ်းစွာ ဖြေဆိုလျက်ရှိပြီးမြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဇာနည်ကျော်နှင့် မြို့နယ်စီမံအုပ်ချုပ်ရေးအဖွဲ့ဝင်များက မြို့ပေါ်ရပ်ကွက်ရှိ စာစစ်ဌာနကြီးကြပ်ရေး အဖွဲ့များနှင့် သက်ဆိုင်ရာကျောင်းများမှ ကျောင်းအုပ်ဆရာကြီး ၊ဆရာမကြီးများ ၊တာဝန်ကျဆရာဆရာမများက အနီးကပ်ကြီးကြပ်နေမှုအား ကြည့်ရှုအားပေးခဲ့ကြသည်။
ဂွမြို့နယ်အတွင်းတွင်ဖေဖေါ်ဝါရီ ၂၂ ရက်နေ့၌ မြန်မာစာဘာသာရပ်ကို Grade-5 စာစစ်ဌာန(၇၆)ခုတွင် ဖြေဆိုသူ ၉၂.၃၄%နှင့် ပျက်ကွက်သူ ၇.၆၆% ရှိပြီး Grade -9 စာစစ်ဌာန(၃၄)ခုတွင် ဖြေဆိုသူ၉၅.၆၆%နှင့် ပျက်ကွက်သူ ၄.၃၄% ရှိကြောင်းသိရသည်။ အဆိုပါ ကျောင်းသား၊ ကျောင်းသူများထဲတွင် အခြားအရပ်ဒေသမှ စာမေးပွဲလာရောက်ဖြေဆိုသူများမှာ Grade-5တွင်(၃)ဦးနှင့် Grade-9တွင်(၅)ဦး ရှိကြောင်း သိရသည်။
ရွှေရည်ဝင်းကျော်
https://t.me/MyanmarNationalPost
No comments:
Post a Comment