ဟင်္သာတ မတ် ၁၇
ဧရာဝတီတိုင်းဒေသကြီး၊ ဟင်္သာတမြို့နယ်၌ ယနေ့နံနက် ၁၀ နာရီအချိန်က ဒူးယားမြို့၊ မြို့အုပ်ချုပ်ရေးမှူးရုံး အစည်းအဝေးခန်းမ၌ ဟင်္သာတမြို့နယ် စီမံအုပ်ချုပ်ရေးအဖွဲ့မှ အဖွဲ့ဝင် (၁) ဗိုလ်မှူးကျော်စွာထွန်းနှင့် အဖွဲ့ဝင် (၂) ဦးမြင့်သိန်းတို့ ဦးဆောင်၍ ဒူးယားမြို့ ဒူယားတိုက်နယ်နှင့် အင်းဓဝယ်တိုက်နယ်အတွင်းရှိ ရပ်ကွက်ကျေးရွာအုပ်ချူပ်ရေးမှူးများ၊ ရာအိမ်မှူးများ၊ ဆယ်အိမ်မှူးများ ရပ်မိရပ်ဖများနှင့်တွေ့ဆုံ၍ ပြည်သူ့စစ်မှုထမ်းဥပဒေနှင့်ပတ်သက်၍ ရှင်းလင်းဟောပြောခဲ့သည်။
အဆိုပါ ရှင်းလင်းဆွေးနွေးပွဲသို့ သက်ဆိုင်ရာရပ်ကွက်ကျေးရွာအုပ်ချုပ်ရေးအဖွဲ့များ၊ ရပ်မိရပ်ဖများပြည်သူများ (၁၅၀) ဦး တက်ရောက်ခဲ့ကြပြီး တာဝန်ရှိသူများ၏ ဆွေးနွေးရှင်းလင်းမှုများအပေါ် တက်ရောက်လာကြသူများက သိရှိလိုသည်များ ပြန်လည်မေးမြန်းဆွေးနွေးခဲ့ရာ မြို့နယ်စီမံအုပ်ချုပ်ရေးအဖွဲ့ အဖွဲ့ဝင်များမှ အကျယ်တဝံ့ပြန်လည်ဖြေကြားခဲ့ကြောင်း သိရသည်။
ဆက်လက်၍ ဒူးယားမြို့ လမ်းမကြီးနှင့်လူစည်ကားရာနေရာများတွင် မြို့အုပ်ချုပ်ရေးအဖွဲ့နှင့်တာဝန်ရှိသူများက ပြည်သူ့စစ်မှုထမ်းဥပဒေအကြောင်းသိကောင်းစရာ အသိပညာပေးလက်ကမ်းစာစောင်များကိုလည်း ဖြန့်ဝေပေးခဲ့ကြောင်းသိရသည်။
https://t.me/MyanmarNationalPost
No comments:
Post a Comment