လသာ မတ် ၂၈
ရန်ကုန်တိုင်းဒေသကြီး၊ ကျောက်တံတားခရိုင်၊ လသာမြို့နယ်လူမှုဝန်ထမ်းဦးစီးဌာန မူလတန်းကြိုကျောင်းမှ (၂၀၂၃-၂၀၂၄)ခု ပညာသင်နှစ် ကျောင်းသား/သူများ၏ ကျောင်းဆင်းပဒေသာကပွဲနှင့် ဂုဏ်ပြုလက်မှတ်ပေးအပ်ခြင်းကို ယနေ့နံနက်(၉)နာရီက အဆိုပါ ကျောင်းခန်းမတွင် ကျင်းပပြုလုပ်သည်။
အခမ်းအနားတွင် ရန်ကုန်အနောက်ပိုင်းခရိုင် လူမှုဝန်ထမ်းဦးစီးဌာနရုံးမှ ဒုတိယညွှန်ကြားရေးမှူးနှင့် တာဝန်ရှိသူများက မူလတန်းကြိုကျောင်းမှ ကျောင်းသား/သူ (၅၅) ဦးအား ကျောင်းဆင်းဂုဏ်ပြုလက်မှတ် ပေးအပ်ချီးမြှင့်ခဲ့ပြီး ဆရာမများနှင့် ကျောင်းသား/သူရင်သွေးငယ်လေးများက အကပဒေသာများဖြင့် ဖျော်ဖြေတင်ဆက်ခဲ့ကြကြောင်းနှင့် အဆိုပါအခမ်းအနားသို့ လူမှုဝန်ထမ်းဦးစီးဌာနရုံးမှ ဒုတိယညွှန်ကြားရေးမှူးနှင့် တာဝန်ရှိသူများ၊ မြို့နယ်စီမံအုပ်ချုပ်ရေးဖွဲ့ဥက္ကဋ္ဌနှင့် အဖွဲ့ဝင်များ၊ မြို့နယ်လူမှုဝန်ထမ်းဦးစီးဌာန မူလတန်းကြိုကျောင်းမှ ကျောင်းအုပ်ဆရာမကြီးနှင့် ဆရာမများ၊ ကျောင်းအကျိုးတော်ဆောင်နှင့် ကျောင်းသား/သူများ၊ ကျောင်းသားမိဘများ တက်ရောက်ခဲ့ကြပြီး လသာမြို့နယ် လူမှုဝန်ထမ်းဦးစီးဌာန မူလတန်းကြိုကျောင်းမှာ (၂၀၂၃)ခုနှစ်၊ မေလ (၁) ရက်နေ့မှ ၂၀၂၄ခုနှစ်၊ မတ်လ (၃၁) ရက်နေ့အထိ ဖွင့်လှစ်လျက်ရှိကြောင်း သိရသည်။
နန်းသဲနုအောင်
https://t.me/MyanmarNationalPost
No comments:
Post a Comment