ရွှေတောင် ၊ မတ် ၁
ပဲခူးတိုင်းဒေသကြီး၊ပြည်ခရိုင်၊ရွှေတောင်မြို့နယ် ရပ်ကွက် နှင့် ကျေးရွာအုပ်စုများအတွင်းရှိအသက်(၈၅) နှစ် ထက်အဘိုးအဘွားများအား ယနေ့နံနက်ပိုင်းက လူမှုရေးပင်စင်သွားရောက်ထောက်ပံ့ပေးအပ်ခဲ့သည်။
ရွှေတောင်မြို့နယ်အတွင်း ရပ်ကွက် နှင့်ကျေးရွာအုပ်စုများရှိသက်ကြီးအဘိုးအဘွား
(၁၀၁၄) ဦးအတွက် တတိယ. ( ၃)ပတ် (အောက်တိုဘာ ၊နိုဝင်ဘာ၊ ဒီဇင်ဘာ ) လများအတွက်တစ်လလျှင် ( ၁၀၀၀၀)ကျပ် ( ၃) လစာတစ်ဦးလျှင် ( ၃၀၀၀၀) ကျပ်နှုန်းဖြင့် စုစုပေါင်း ငွေကျပ် ( ၃၀၄၂၀၀၀၀)ကျပ်ကိုလူမှုဝန်ထမ်းဦးစီးဌာန၊တာဝန်ရှိသူများမှထောက်ပံ့ပေးအပ်ခဲ့ကြောင်းသိရသည်။
အဆိုပါအသက်(၈၅) နှစ်ထက် အဘိုးအဘွားများအား လူမှုရေးပင်စင်သွားရောက်ထောက်ပံ့ပေးအပ်ရာသို့ မြို့နယ်မိခင်နှင့်ကလေးစောင့်ရှောက်ရေး ဥက္ကဌ ဒေါ်နန်းမြအေးနှင့်အသင်းဝင်များ၊ အမျိုးသမီးရေးရာအဖွဲ့ဝင်များ၊လူမှုဝန်ထမ်းဦးစီးဌာန၊ ဦးစီးအရာရှိ ဒေါ်မိမိချို နှင့်ဝန်ထမ်းများ၊ မြို့နယ်တိုင်းရင်းဆေးကုဌာန မြို့နယ်တိုင်းရင်းဆေးမှူး ဒေါ်နီလာမြင့် နှင့်ဝန်ထမ်းများ၊ ရပ်ကွက်အုပ်ချုပ်ရေးမှူးနှင့်အဖွဲ့ဝင်များနှင့်အတူ ကြာနီကန် ရပ်ကွက်အတွင်းအသက်(၈၅) နှစ် ထက်အဘိုးအဘွားများအား တတိယ. ( ၃)လပတ် (အောက်တိုဘာ ၊နိုဝင်ဘာ၊ ဒီဇင်ဘာ ) လအတွက် လူမှုရေးပင်စင်များထောက်ပံ့ပေးအပ်ခဲ့ပြီး မြို့နယ်တိုင်းရင်းဆေးကုဌာန မှအဘိုးအဘွားများအား သွေးပေါင်ချိန်တိုင်တာပေးခြင်းနှင့် သင့်တော်ရာဆေးဝါးများလှူဒါန်းပေးခဲ့ကြောင်းသိရသည်။
ကိုကိုမင်း
https://t.me/MyanmarNationalPost
No comments:
Post a Comment