ပခုက္ကူမြို့နယ်တွင် မီးဘေးအန္တရာယ်ကြိုတင်ကာကွယ်ရေး အသိပညာပေးလုပ်ငန်း ဆောင်ရွက်

 

ပခုက္ကူ မတ် ၂၅

မကွေးတိုင်းဒေသကြီး၊ ပခုက္ကူမြို့နယ်အတွင်းရှိ ဒေသခံပြည်သူများ မီးဘေးအန္တရာယ်ကင်းဝေးစေရန်၊ မီးလောင်မှုနှင့် မီးလန့်မှုဖြစ်စဉ်များ လျော့နည်းကျဆင်းစေရန် ရည်ရွယ်၍ မီးဘေးအန္တရာယ်ကြိုတင်ကာကွယ်ရေး အသိပညာပေးခြင်းလုပ်ငန်းကို ယနေ့နံနက် ၉ နာရီအချိန်က ပခုက္ကူမြို့၊ အမှတ်(၁) စည်ပင်သာယာမြို့မဈေးကြီး၌ ကွင်းဆင်းဆောင်ရွက်ကြသည်။

ထိုသို့ဆောင်ရွက်ရာတွင် ပခုက္ကူမြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးအောင်စိုးမိုးနှင့် အဖွဲ့ဝင်များ၊ မြို့နယ်မီးသတ်ဦးစီးမှူး ဦးဇော်မျိုးအောင်နှင့် သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များက ပခုက္ကူမြို့၊ အမှတ်(၁)စည်ပင်သာယာ မြို့မဈေးကြီး၌ ပွင့်လင်းရာသီကာလအတွင်း မီးဘေးအန္တရာယ် ကြိုတင်ကာကွယ်နိုင်ရေးနှင့် မီးဘေးလုံခြုံမှုရှိစေရေးတို့အတွက် မီးသတ်ဆေးဘူးများ စနစ်တကျ ပြင်ဆင်ထားရှိမှုရှိ/မရှိ၊ မီးကြွင်းမီးကျန်များ စနစ်တကျမီးသတ်ထားမှုရှိ/မရှိ၊ လျှပ်စစ်မီးများ စနစ်တကျကိုင်တွယ်အသုံးပြုမှုရှိ/မရှိ၊ ရေလှောင်ကန်များ၌ ရေများကြိုတင်ဖြည့်တင်းထားမှုရှိ/မရှိ အခြေအနေတို့ကို ကွင်းဆင်း စစ်ဆေးကြပြီး ဈေးတာဝန်ခံများနှင့်ဈေးသူဈေးသားများအား သန့်ရှင်းရေး လုပ်ငန်းစဉ်ဆက်မပြတ်ဆောင်ရွက်ရေး၊ မီးလောင်စေသော အရာဝတ္ထုပစ္စည်းများနှင့် လောင်စာများအား ရှင်းလင်းဖယ်ရှားရေးတို့ကို အသိပညာပေး ဟောပြောခဲ့ကြကြောင်း သိရသည်။

ဘာမီသာ(ပခုက္ကူ)

https://t.me/MyanmarNationalPost