အလုံ မတ်လ ၂၆
အလုံခရိုင် လူငယ်ရေးရာကော်မတီမှ ကြီးမှူးကျင်းပသည့် ကင်းထောက်လူငယ်သင်တန်း ဖွင့်ပွဲအခမ်းအနားကို ယမန်နေ့ နံနက် ၉ နာရီက ရန်ကုန်တိုင်းဒေသကြီး၊ အလုံခရိုင်၊ အလုံမြို့နယ် အမှတ် (၄) အခြေခံပညာအထက်တန်းကျောင်း၊ သီရိရတနာခန်းမ၌ ကျင်းပပြုလုပ်ကြောင်း သိရသည်။
အခမ်းအနားတွင် ရှေးဦးစွာ နိုင်ငံတော်အလံအား အလေးပြုခဲ့ပြီးနောက် အခမ်းအနားဖွင့်လှစ်ကြောင်း ကြေညာခဲ့သည်။ ထို့နောက် ကင်းထောက်လူငယ်လေးများက “ပြည်သူ့အတွက်အစဥ်အသင့်” အဖွင့်သီချင်းဖြင့် သီဆိုဖျော်ဖြေခဲ့ပြီး အလုံခရိုင်လူငယ်ရေးရာကော်မတီဥက္ကဋ္ဌ ဦးကျော်ဇာနည်လွင်က အဖွင့်အမှာစကားပြောကြားခဲ့သည်။
ဆက်လက်၍ ကင်းထောက်လှုပ်ရှားမှု မှတ်တမ်း Video Clip အား ပြသခြင်း၊ ကင်ထောက်လူငယ်များက “ကင်းထောက်လူငယ်များရဲ့ ရှေ့သို့ခြေလှမ်း” သီချင်းခြင်းသီဆိုဖျော်ဖြေခဲ့ပြီး ဖျော်ဖြေသီဆိုခဲ့သော ကင်းထောက်လူငယ်လေးများအား ခရိုင်လူငယ်ရေးရာကော်မတီဥက္ကဋ္ဌ ဦးကျော်ဇာနည်လွင်က ဂုဏ်ပြုချီးမြှင့်ခဲ့သည်။
ထို့နောက် တက်ရောက်လာသူများနှင့် မှတ်တမ်းဓါတ်ပုံများ ရိုက်ကူးခဲ့ကြောင်းသိရှိရပြီး အဆိုပါအခမ်းအနားသို့ ခရိုင်လူငယ်ရေးရာကော်မတီဝင်များ၊ အလုံမြို့နယ်၊ စမ်းချောင်းမြို့နယ်၊ ကြည့်မြင်တိုင်မြို့နယ် လူငယ်ရေးရာကော်မတီဝင်များ၊ ခရိုင်နှင်မြို့နယ်ပညာရေးမှူးများ၊ ကင်းထောက်သင်တန်းနည်းပြများ၊ ကင်းထောက်လူငယ်များ၊ ဆရာ၊ ဆရာမများ တက်ရောက်ခဲ့သည်။
အဆိုပါ ကင်းထောက်သင်တန်းကို အလုံမြို့နယ်အမှတ် (၄) အခြေခံပညာအထက်တန်းကျောင်းတွင် သင်တန်းသူ ကင်းထောက်လူငယ် (၂၀) ဦး၊ သင်တန်းသား ကင်ထောက်လူငယ် (၂၀) ဦး၊ စမ်းချောင်းမြို့နယ် အမှတ် (၂) အခြေခံပညာအထက်တန်းကျောင်းတွင် သင်တန်းသူ ကင်းထောက်လူငယ် (၄၀) ဦး၊ စုစုပေါင်း သင်တန်းသား (၈၀) ဦးဖြင့် မတ်လ ၂၅ ရက်နေ့မှ ၂၉ ရက်နေ့အထိ (၄) ရက်ကြာ ဖွင့်လှစ်သင်ကြားပေးသွားမည်ဖြစ်ကြောင်း သိရှိရသည်။
တင်တင်ချို
https://t.me/MyanmarNationalPost
No comments:
Post a Comment