ကျွန်းလှ ၊ ဧပြီ ၂၈
စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ်တွင် “အပြောင်မြောက်ဆုံး ဘဝတစ်ခုတည်ဆောင်ခြင်း” စာအုပ်ဖြင့် စာဖတ်ဝိုင်းကို ယမန်နေ့ နံနက် ၁၀ နာရီခွဲက လူထုအခြေပြုဗဟိုဌာန၌ ကျင်းပခဲ့ကြောင်း သိရသည်။
စာဖတ်ဝိုင်းတွင် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ ဦးစီးမှူးဦးဖိုးချိုက စာဖတ်ဝိုင်းကျင်းပခြင်းဖြင့် စာပေဖတ်ရှုသည့်အလေ့အကျင့်ရှိခြင်း၊ အသိပညာဗဟုသုတရရှိခြင်း၊ အချင်းချင်းချစ်ခင်ရင်းနှီးမှုရှိခြင်း၊ စသည့်အကျိုးကျေးဇူးများ ရရှိမည်ဖြစ်ကြောင်း ရှင်းလင်းပြောကြားသည်။
ထို့နောက် စာအုပ်စာပေချစ်မြတ်နိုးသူများ (Book Club) အသင်းဝင်များနှင့် ကျောင်းသား၊ ကျောင်းသူများက စာရေးဆရာဖေဖြင့်ရေးသားသော “အပြောင် မြောက်ဆုံး ဘဝတစ်ခု တည်ဆောက်ခြင်း” စာအုပ်မှ “ပြတ်ပြတ်သားသား ဆုံးဖြတ်လုပ်ကိုင်တတ်ခြင်း” ခေါင်းစဉ်အား ဖတ်ကြားကြပြီး အပြန်အလှန်ဆွေးနွေးကြသည်။
ထို့နောက် ကျောင်းသား၊ ကျောင်းသူများက ခင်းကျင်းပြသထားသည့် စာအုပ်စာစောင်များ၊ နံရံကပ်စာစောင်နှင့် ဓာတ်ပုံများ စိတ်ပါဝင်စားစွာ ကြည့်ရှုလေ့လာခဲ့ကြကြောင်း သိရသည်။
မျိုးဝင်းညို ကျွန်းလှ
https://t.me/MyanmarNationalPost
No comments:
Post a Comment