ရွှေတောင် ဧပြီ ၄
ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ် ၊ကြာနီကန်ရပ်ကွက်၊ သာသနာ့ဗိမာန်တော်ကြီးတွင် ယမန်နေ့ နေ့လယ်ပိုင်းက ၂၀၂၄-ခုနှစ်၊ အစိုးရ ပါဠိပထမပြန်စာမေးပွဲကို စတင်ဖြေဆိုခဲ့ကြောင်း သိရသည်။
ရှေးဦးစွာ ရွှေတောင်မြို့နယ် သံဃနာယကဆရာတော်ကြီးများ၏ ဩဝါဒကိုခံယူ၍ မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးဟံဝင်းအောင်၏ ကြီးကြပ်မှုဖြင့် ၂၀၂၄-ခုနှစ်၊ အစိုးရပါဠိပထမပြန် စာမေးပွဲတွင် ပထမကြီးတန်း (၁၈)ပါး၊ ပထမလတ်တန်း(၁၂)ပါး၊ ပထမငယ်တန်း (၅)ပါးနှင့် အခြေပြုမူလတန်း (၂၁)ပါး စုစုပေါင်း စာရင်းရှိ (၅၆)ပါးတို့ ဝင်ရောက်ဖြေဆိုကြမည်ဖြစ်ပြီး ပျက်ကွက်(၉)ပါး ဖြစ်ကြောင်းသိရသည်။
အဆိုပါ ပါဠိပထမပြန်စာမေးပွဲကို ဧပြီလ ၃ ရက်နေ့မှ ၉ ရက်နေ့အထိ နေ့စဉ် နေ့လယ် ၁၂ နာရီမှ မွန်းလွဲ ၃ နာရီအထိ စာမေးပွဲဖြေဆိုကြမည်ဖြစ်ပြီးစာဖြေပထမနေ့တွင် အခြေပြုမူလတန်းမှ ဝိနည်းကျင့်ဝတ်၊ သုကုမာရမဂ္ဂဒီပနီဘာသာရပ်၊ ပထမငယ်တန်းမှ ဘိက္ခုပါတိမောက်ဘာသာနှင်ဓမ္မပဒ၊ ပထမလတ်တန်းနှင့်ပထမ ကြီးတန်းတို့မှ ဒွေမာတိကာဘာသာနှင့်ဓမ္မပဒ စသည့်ဘာသာရပ်များကို ဖြေဆိုခဲ့ကြပြီး စာဖြေသံဃာတော်များ အဆင်ပြေချောမွေ့စွာ ဖြေဆိုနိုင်ရေးအတွက် ကျန်းမာရေးစောင့်ရှောက်မှုနှင့် နေ့ဆွမ်းကပ်ခြင်းနှင့် အာဟာရဒါန လှူဒါန်းခြင်းများကို စေတနာရှင်၊ အလှူရှင်များနှင့် ဌာနဆိုင်ရာများ ကလှူဒါန်းပေးလျက်ရှိကြောင်း သိရသည်။
ကိုကိုမင်း
https://t.me/MyanmarNationalPost
No comments:
Post a Comment