ရွှေတောင် ၊ ဧပြီ -၁၈
ပဲခူးတိုင်းဒေသကြီး၊ပြည်ခရိုင်၊ရွှေတောင်မြို့နယ်၊ ဝါးတော ကျေးရွာအုပ်စု၊ ဝါးတောကျေးရွာတွင် ဧပြီလ ၁၅ ရက်နေ့က မီးလောင်မှုဖြစ်ပွားခဲ့သည့်လူနေအိမ် ( ၂) လုံးအား ယမန်နေ့ နံနက်ပိုင်းက ထောက်ပံ့ငွေ နှင့် ပစ္စည်းများပေးအပ်ခဲ့သည်။
အဆိုပါ မီးလောင်မှုဖြစ်ပွားခဲ့သည့် လူနေအိမ် ( ၂) လုံး ၊ အိမ်ထောင်စု ( ၂) စုအား ရွှေတောင်မြို့နယ် စီမံအုပ်ချုပ်ရေးအဖွဲ့ဥက္ကဌ ဦးဟံဝင်းအောင်၏ ကြီးကြပ်မှုဖြင့် မြို့နယ်အထွေထွေအုပ်ချုပ်ရေးဦးစီးဌာန၊ ပြည်ခရိုင် ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ဒုတိယညွှန်ကြား ရေးမှူး ဒေါ်တင်တင်ချို နှင့် ဝန်ထမ်းများ၊မြို့နယ်ကြက်ခြေနီတပ်ဖွဲ့ဝင်များ၊ဝါးတောကျေးရွာအုပ်စုအုပ်ချုပ်ရေးမှူးတို့ပါဝင်သောအဖွဲ့ဖြင့် ပြည်ခရိုင် ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနမှ ထောက်ပံ့ပေးအပ်သော တစ်အိမ်ထောင်လျှင် ပစ္စည်း ( ၁၇) မျိုးပါပုံး( ၁) ပုံးစီ၊ ဒေါ်ခင်ဌေးလွင်၏ (သွပ်မိုး၊ပျဥ်ကာ၊ပျဥ်ခင်း) နေအိမ်အတွက် အိမ်ဆောက်ပစ္စည်းဖိုး (၂၀၀၀၀၀ိ/-) ကျပ်နှုန်း ၊ဦးသန်းဌေး၏ (သွပ်မိုး၊ထရံကာ၊ဝါးခင်း)နေအိမ်အတွက်အိမ်ဆောက်ပစ္စည်းဖိုး ( ၁၀၀၀၀၀ိ/-)ကျပ်နှုန်း၊လူတစ်ဦးလျှင် ဆန်ရိက္ခာဖိုး ( ၂၁၀၀ိ/-) နှုန်းဖြင့်( ၈) ဦးစာအတွက် ဆန်ရိက္ခာဖိုးထောက်ပံ့ငွေ (၁၆၈၀၀ိ/-)ကျပ် စုစုပေါင်း အိမ်ဆောက်ပစ္စည်းဖိုးနှင့် ဆန်ရိက္ခာဖိုး ထောက်ပံ့ငွေ ( ၃၁၆၈၀၀ိ/-)ကျပ်အားထောက်ပံ့ပေးအပ်ခဲ့ပြီး မြို့နယ်ကြက်ခြေနီအဖွဲ့မှ အိမ်ထောင်စု တစ်စုလျှင် Hygiene Kit တစ်ကိုယ်ရည်သန့်ရှင်းရေးသုံးပစ္စည်း (၁၉) မျိုးပါ ပုံး( ၁) ပုံး၊အိမ်ဆောက်ပစ္စည်းကိရိယာ (၁) စုံ၊စောင်( ၂) ထည်၊ဒန်အိုး၊ရေခွက်တို့အား မီးဘေးသင့်ပြည်သူ များ၏လက်ဝယ်အရောက် သွားရောက် ထောက်ပံ့ပေးအပ်ခဲ့ကြောင်းသိရသည်။
ကိုကိုမင်း
https://t.me/MyanmarNationalPost
No comments:
Post a Comment