နတ်မောက် ဧပြီ ၈
မကွေးတိုင်းဒေသကြီး နတ်မောက်မြို့နယ် ဘုန်းတော်ပြည့်ကျေးရွာအုပ်စုရှိ တောင်သူ ဦးညွန့်တင်၏ စပါးနှစ်ဧကစိုက်ခင်းတွင် နွေစပါးသီးနှံကို ခေတ်မီမျိုးစေ့ချကိရိယာ (Seeder)ဖြင့် မြို့နယ်စိုက်ပျိုးရေးဦးစီးဌာနမှ ဝန်ထမ်းများ၏ လမ်းညွှန်မှုများနှင့်အညီ စိုက်ပျိုးလျက်ရှိသည်။
နွေစပါးသီးနှံကို ယင်းကဲ့သို့ ခေတ်မီစက်ကိရိယာများဖြင့် စိုက်ပျိုးနည်းစနစ်များ ပြောင်းလဲပျိုးထောင်စိုက်ပျိုးခြင်းကြောင့် လယ်ယာလုပ်ငန်းလုပ်ကိုင်မည့် လုပ်သားအင်အားနည်းပါးစွာဖြင့် ဆောင်ရွက်ရသည့် တောင်သူများအနေဖြင့် လုပ်သားကုန်ကျစရိတ်သက်သာစေပြီး စိုက်ဧရိယာများကို
စိုက်ပျိုးရာသီချိန်မီလျင်မြန်စွာ စိုက်ပျိုးနိုင်ပြီး သီးထပ်တိုးချဲ့စိုက်ပျိုးနိုင်ကြောင်း သိရသည်။
ထို့အပြင် မြို့နယ်စိုက်ပျိုးရေးဦးစီးဌာနမှ ဝန်ထမ်းများက တောင်သူများအား သီးထပ်တိုးချဲ့ စိုက်ပျိုးနိုင်စေရန် အပင်ဦးရေပြည့်မီစေရန်နှင့် တစ်ဧကအထွက်နှုန်းတိုးတက်စေရန် စိုက်ပျိုးရေးနည်းစနစ်ကောင်းများကို လက်တွေ့ပြုလုပ်၍ ပညာပေးကွင်းပြပွဲများ ဆောင်ရွက်ပေးလျက်ရှိကြောင်း မြို့နယ်စိုက်ပျိုးရေးဦးစီးဌာနမှ သိရသည်။
သိမ့်သိမ့်မိုး
https://t.me/MyanmarNationalPost
No comments:
Post a Comment