ပေါင် ၊ မေ ၂၈
မွန်ပြည်နယ်၊ ပေါင်မြို့နယ်အတွင်းရှိ အခြေခံပညာကျောင်းများတွင် ၂၀၂၄-၂၀၂၅ ပညာသင်နှစ်အတွက် ကျောင်းအပ်နှံရေး လုပ်ငန်းများကို ဆောင်ရွက်လျက်ရှိရာ ကျောင်းသားကျောင်းသူများအား မိဘအုပ်ထိန်းသူများက ကျောင်းလာရောက်အပ်နှံ နေကြပြီး ယနေ့ နံနက်ပိုင်းက မြို့နယ်စီမံအုပ်ချုပ်ရေးအဖွဲ့ဥက္ကဋ္ဌဦးထင်လင်းအောင်နှင့် တာဝန်ရှိသူများက လိုက်လံကြည့်ရှုအားပေးခဲ့ကြသည်။
ပေါင်မြို့နယ်အတွင်း လာရောက်ကျောင်းအပ်နှံကြသူများကို မြို့နယ်စီမံအုပ်ချုပ်ရေး အဖွဲ့ဥက္ကဋ္ဌ ဦးထင်လင်းအောင် နှင့်အဖွဲ့ဝင်တို့က KG တန်းမှ Grade 12 အထိ စနစ်တကျ ကျောင်းအပ်လက်ခံပေးနေမှုနှင့် ပညာရေးဝန်ကြီးဌာန၏ လမ်းညွှန်ချက်နှင့်အညီ ကျောင်းသုံး ပြဌာန်းစာအုပ်၊ ဗလာစာအုပ်၊ ဘောပင်၊ ခဲတံ၊ ကျောင်းဝတ်စုံတို့ ထောက်ပံ့ ပေးနေမှုများကို လိုက်လံကြည့်ရှု အားပေးခဲ့ကြသည်။
ပေါင်မြို့နယ်အတွင်း ၂၀၂၄-၂၀၂၅ ပညာသင်နှစ်၌ စာသင်ကျောင်း (၁၆၄)ကျောင်းရှိရာမေလ( ၂၃ )ရက်နေ့မှစတင်၍ ကျောင်းအပ်လက်ခံနေပြီးဖြစ်ပါကြောင်း မေလ (၂၈)ရက်နေအထိ အထက်တန်း( ၂၁၃၄ )ဦး၊အလယ်တန်း( ၆၆၂၈ )ဦး၊မူလတန်း( ၂၆၆၂၉ )ဦး စုစုပေါင်းကျောင်းသား၊ကျောင်းသူ( ၃၅၃၉၁ )ဦး ကျောင်းအပ်ပြီးစီးကြောင်းမြို့နယ်ပညာရေးမှူးရုံးမှသိရသည်။
မွန်မလေး
https://t.me/MyanmarNationalPost
No comments:
Post a Comment