သရက် ၊ မေ ၂၇
မကွေးတိုင်းဒေသကြီး သရက်မြို့၌ သစ်တောနှင့် ဇီဝမျိုးစုံမျိုးကွဲထိန်းသိမ်းရေးဆိုင်ရာ အသိပညာပေးဟောပြောပွဲကို ယမန်နေ့နံနက်(၁၀)နာရီက အခြေခံပညာအထက်တန်းကျောင်းခွဲ အမှတ်(၃) အခြေခံအလယ်တန်းကျောင်းတွင် ကျင်းပခဲ့သည်။
အဆိုပါအခမ်းအနားတွင် သရက်ခရိုင် သစ်တောဦးစီးဌာန လက်ထောက်ညွန်ကြားရေးမှူး ဦးထွန်းညွန့်တင်က သစ်တောများနှင့် ဇီဝမျိုးစုံမျိုးကွဲများအကြောင်း အသိပညာပေးဟောပြောပေးခဲ့ပြီး သရက်မြို့နယ် သစ်တောဦးစီးဌာန ဦးစီးအရာရှိ ဦးဟန်မင်းထွန်းက သစ်တောများနှင့် ရေဝေရေလဲ ဒေသများထိန်းသိမ်းရေး၊ သစ်တောများမှ ပေးစွမ်းနိုင်သော အကျိုးကျေးဇူးများ ခေါင်းစဉ်ဖြင့် ဟောပြောပေးခဲ့သည်။
ထို့နာက် အခမ်းအနားတက်ရောက်သည့် ဆရာ/ဆရာမများနှင့် ကျောင်းသား/ ကျောင်းသူများက မြို့မပျိုးဥယျာဉ်သို့ လေ့လာခဲ့ကြပြီး ပျိုးပင်များအား တက်ရောက်လာသည့် ဆရာ/ဆရာမများနှင့် ကျောင်းသား/ ကျောင်းသူများအား ကျွန်း၊ တမာ၊ ခရေ၊ ရေတမာနှင့် ပိတောက်ပင်များ ပေးအပ်ခဲ့ကြောင်း သိရသည်။
ဇော်ထက်(သရက်)
https://t.me/MyanmarNationalPost
No comments:
Post a Comment