ပေါင် ၊ မေ ၇
မွန်ပြည်နယ်၊ပေါင်မြို့နယ်၌နွေရာသီကျောင်းပိတ်ရက်ကာလ လူငယ်ကဏ္ဍဆိုင်ရာကိစ္စရပ်များအရှိန်တိုးမြှင့်ဆောင်ရွက်နိုင်ရေးအတွက် ကျန်းမာရေး အသိပညာပေးသင်တန်းဖွင့်ပွဲကို ယနေ့နံနက် ( ၁၀ ) နာရီက (အထက) ပေါင်ရွှေရတုခန်းမ၌စတင်ဖွင့်လှစ်ခဲ့သည်။
ရှေးဦးစွာ မြို့နယ်စီမံအုပ်ချုပ်ရေးအဖွဲ့ဝင် ဦးကျော်လင်းဦးက နွေရာသီတွင်သင်တန်းတွေဖွင့်လှစ်သင်ကြားပေးသည့်အတွက် ဝမ်းသာပါကြောင်း၊ယခုလိုသင်တန်းသည် လူငယ်တွေအတွက်အလွန်ပင်အကျိုးရှိလှပါကြောင်းအမှာစကားပြောကြားသည်။
ဆက်လက်၍ မြို့နယ်ဆရာဝန်ကြီး ဒေါက်တာမင်းညွန့်ဝင်းက ကျန်းမာရေးဝန်ကြီးဌာနမှ နွေရာသီ ကျန်းမာရေးအသိပညာပေး သင်တန်းတွေဖွင့်လှစ်ခြင်းဖြင့် သူငယ်ချင်းတွေအပြင် မိမိအိမ်မှာရှိသည့်မိသားစုဝင်များကို ကျန်းမာရေးအသိပညာတွေသိရှိအောင်ပြန်လည်မျှဝေပေးခြင်းအပြင် မိမိကျန်းမာရေးအတွက်မိမိကိုယ်တိုင်စီမံဆောင်ရွက်၍နီးစပ်ရာဆေးရုံ၊ဆေးခန်းများသို့အချိန်မီသွားရောက်၍ ကုသမှုခံယူနိုင်ပါကြောင်းပြောကြားခဲ့သည်။
ထို့နောက် မြို့နယ်ပညာရေးမှူးဒေါ်စန်းစန်းအေး က ကျန်းမာရေးနှင့်ပတ်သက်၍ အသိပညာပေးရေးအကြောင်းကို သားတို့သမီးတို့ကိုအသိပညာရစေချင်လို့လာရောက်ဖွင့်လှစ်ပေးခြင်းဖြစ်ပါကြောင်း၊ယခုသင်တန်းသည် ရက်တိုသင်တန်းဖြစ်သည့်အတွက် လူငယ်များ အားလပ်ချိန်ကိုအကျိုးရှိစွာအသုံးချနိုင်၍
ရည်မှန်းချက်ကိုအကောင်အထည်ဖော်ဆောင်ရွက်နိုင်မည်ဖြစ်ပါကြောင်းပြောကြားခဲ့သည်။
အဆိုပါသင်တန်းကို သင်တန်းဆရာ ( ၅ ) ဦးက သင်တန်းသား ( ၉၁ )ဦးကို မေလ ( ၇ )ရက်နေ့မှ
မေလ ( ၁၁ ) ရက်နေ့အထိ( ၅ ) ရက်ကြာ သင်ကြားပြသသွားမည်ဖြစ်ကြောင်းသိရသည်။
မွန်မလေး
https://t.me/MyanmarNationalPost
No comments:
Post a Comment