နေပြည်တော်၊ မေ ၆
ရှမ်းပြည်နယ်ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ သက်သေများနှင့်အတူ မေလ ၄ ရက်နေ့ (၀၈ ၃၀) အချိန် လားရှိုးမြို့၊ ရပ်ကွက်(၇)၊ စစ်တောင်းလမ်းရှိ လနူး ၏နေအိမ်အား ဝင်ရောက်ရှာဖွေရာ နေအိမ်အတွင်းမှ စိတ်ကြွရူးသွပ်ဆေးပြား ၃၀၀၀၀ ပြား(ဒေသကာလပေါက်ဈေးတန်ဖိုးငွေကျပ်သိန်း ၁၅၀)၊ ဘိန်းဖြူ အလေးချိန် ၃၉၆ ဂရမ်(ဒေသကာလပေါက်ဈေးတန်ဖိုးငွေကျပ် ၇၉.၂ သိန်း)နှင့် မြန်မာငွေကျပ် ၁၁.၃ သိန်းတို့အား တွေ့ရှိသိမ်းဆည်းရမိခဲ့သည်။
အလားတူ ယင်းနေ့ (၁၀ ၀၀) အချိန် လုံခြုံရေးတပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ သက်သေများနှင့်အတူ လားရှိုးမြို့၊ ရပ်ကွက်(၇)၊ ပင်လုံလမ်းရှိ လှဝင်း(ခ)လီကွမ်းရောင် ၏နေအိမ်အား ဝင်ရောက်ရှာဖွေရာ နေအိမ်အတွင်းမှ စိတ်ပြောင်းဆေးဝါးများဖြစ်သည့် Happy Water အလေးချိန် ၇.၁ ကီလို(ဒေသကာလပေါက်ဈေးတန်ဖိုးငွေကျပ်သိန်း ၃၅၅၀)၊ ကက်တမင်း အလေးချိန် ၄.၃၂ ကီလို(ဒေသကာလပေါက်ဈေးတန်ဖိုးငွေကျပ် ၆၄၈ သိန်း)၊ အက်တက်စီဆေးပြား ၁၂ ပြား(ဒေသကာလပေါက်ဈေးတန်ဖိုးငွေကျပ် ၃ သိန်း)နှင့် Happy 5 ဆေးပြား ၁၅၄၀ ပြား(ဒေသကာလပေါက်ဈေးတန်ဖိုးငွေကျပ် ၁၅၄ သိန်း)တို့အား တွေ့ရှိသိမ်းဆည်းရမိခဲ့ပါသည်။
အလားတူ ယင်းနေ့ (၁၁ ၃၀) အချိန် ရှမ်းပြည်နယ်ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ သက်သေများနှင့်အတူ လားရှိုးမြို့နယ်၊ မန်အိုင်ကျေးရွာ၊ မန်အိုင်လမ်းသွယ်(၄)လမ်းရှိ ဖန်ယူချွန် ၏နေအိမ်အား ဝင်ရောက်ရှာဖွေရာ နေအိမ်အတွင်းမှ ဘိန်းဖြူ အလေးချိန် ၁.၀၈၉ ကီလို(ဒေသကာလပေါက်ဈေးတန်ဖိုးငွေကျပ် ၁၆၃.၃၅ သိန်း)၊ စိတ်ကြွရူးသွပ်ဆေးပြား ၆၀၀၀ ပြား(ဒေသကာလပေါက်ဈေးတန်ဖိုးငွေကျပ်သိန်း ၃၀)နှင့် မြန်မာငွေကျပ် ၂.၅ သိန်းတို့အား တွေ့ရှိသိမ်းဆည်းရမိခဲ့ပါသည်။
အဆိုပါ သိမ်းဆည်းရမိခဲ့သည့် မူးယစ်ဆေးဝါးများနှင့် စပ်လျဉ်း၍ လနူး(၃၃)နှစ်၊ လှဝင်း(ခ)လီကွမ်းရောင်(၂၆)နှစ်နှင့် ဖန်ယူချွန်(၆၅)နှစ်တို့အား လားရှိုးမြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုများရေးဖွင့် အရေးယူထားရှိပြီး ကွင်းဆက်များ ဖော်ထုတ်လျက်ရှိကြောင်း သိရသည်။
Join - https://t.me/MyanmarNationalPost
No comments:
Post a Comment