မုံရွာ၊ မေ ၃
တရုတ်နိုင်ငံရင်းနှီးမြှုပ်နှံမှုဖြင့် ဆောင်ရွက်နေသော လက်ပံတောင်းတောင် ကြေးနီစီမံကိန်းမှ တရုတ်နိုင်ငံသို့ တင်ပို့မည့် ကြေးနီတန် ၅၇၀ တင်ဆောင်လာသည့် မော်တော်ယာဉ်တန်း အစီး ၂၀ ကို KIA အကြမ်းဖက်အဖွဲ့၏ စေခိုင်းချက်အရ နယ်မြေခံ PDF အကြမ်းဖက်သမားများက မုံရွာမြို့နယ်၊ ဂွေးပင်တော ကျေးရွာအနီးတွင် မေလ ၁ ရက်နေ့ မနက် ၁၀ နာရီခန့်မှာ လက်လုပ်မိုင်းများဖြင့် ဖောက်ခွဲတိုက်ခိုက်ခဲ့ကြောင်း သိရသည်။
KIA/PDF အကြမ်းဖက်အဖွဲ့များ၏ တိုက်ခိုက်မှုကြောင့် ၁၄ စီးမြောက်ယာဉ်မှ ယာဉ်အကူ ၁ ဦးသေဆုံးခဲ့ပြီး ယာဉ်တန်းကြီးကြပ်သူ တရုတ်လူမျိုး ၁ ဦး၊ ယာဉ်မောင်း ၁ ဦး၊ စုစုပေါင်း ၂ ဦး ပြင်းထန်ဒဏ်ရာ ရရှိခဲ့ကြောင်း၊ ဒဏ်ရာရလူနာများအား မြင်းမူပြည်သူ့ဆေးရုံကြီးသို့ ပို့ဆောင်ကုသလျက်ရှိကြောင်း တိုက်ပွဲသတင်းစုံ သတင်းများထုတ်ပြန်ချက်အရ သိရသည်။
Join - https://t.me/MyanmarNationalPost
No comments:
Post a Comment