ငပုတောမြို့နယ် ကွင်းချောင်းကျေးရွာနှင့် တမန်ချောင်းကျေးရွာတို့တွင် သစ်စိမ်းမြေဩဇာကြဲပက်ပွဲ အခမ်းအနားကျင်းပ

ငပုတော၊ ဇွန် ၃

ဧရာဝတီတိုင်းဒေသကြီး၊ ပုသိမ်ခရိုင်၊ ငပုတောမြို့နယ် ကွင်းချောင်းကျေးရွာတွင် မိုးစပါးရေတော်မိုးတော်စိုက်ဧရိယာတွင် သစ်စိမ်းမြေဩဇာ ပိုက်‌ဆံလျှော် ထည့်သွင်းစိုက်ပျိုးနိုင်ရေးအတွက် သစ်စိမ်းမြေဩဇာ ပိုက်ဆံလျှော် မျိုးစေ့ကြဲပက်ပွဲအခမ်းအနားကို ယမန်နေ့နံနက်ပိုင်းက ကွင်းအမှတ် ၁၀၄၂(ခ)၊ ဦးပိုင်အမှတ် (၁၉/၁)၊ တောင်သူ ဒေါ်တင်အုန်း၏လယ်မြေ(၅.၀၀) ဧကတွင် ကျင်းပပြုလုပ်ရာ မြို့နယ်စိုက်ပျိုးထုတ်လုပ်မှု တိုးတက်မြင့်မားစေရေး ကော်မတီဥက္ကဋ္ဌ ဦးကျော်သူ၊ အဖွဲ့ဝင်(၂)‌ဦးသန်းဦး၊ မြို့နယ်စိုက်ပျိုးရေးဦးစီးမှူး ဦးထွန်းမျိုးသန့်နှင့်ဝန်ထမ်းများ၊ ဒေသခံတောင်သူများ တက်ရောက်ကြပြီး သစ်စိမ်းမြေဩဇာမျိူးစေ့များကို တောင်သူများနှင့်အတူ စုပေါင်းကြဲပက်ကြသည်။

ဆက်လက်ပြီး မြို့နယ်စိုက်ပျိုးထုတ်လုပ်မှု တိုးတက်မြင့်မားစေရေးကော်မတီဥက္ကဋ္ဌနှင့်အဖွဲ့သည် တမန်ချောင်းကျေးရွာ ကွင်းအမှတ်(၁၃၉၆)၊ ဦးပိုင်အမှတ်(၃/၄) တောင်သူမန်းမင်း‌‌ဆွေ၏ လယ်မြေ(၇.၀၅)ဧကတွင် သစ်စိမ်းမြေဩဇာ မျိုးစေ့ကြဲပက်ပွဲအခမ်းအနားသို့ တက်ရောက်အားပေးခဲ့ကြကြောင်း သိရသည်။

အောင်သူ

Join - https://t.me/MyanmarNationalPost