လေးမျက်နှာ ၊ ဇူလိုင် ၂၅
ဧရာဝတီတိုင်းဒေသကြီး၊ ဟင်္သာတခရိုင်၊ လေးမျက်နှာမြို့နယ်၊ မြို့နယ်ပညာရေးမှူးရုံး ပညာရတနာခန်းမတွင် ၂၀၂၄ ခုနှစ် တက္ကသိုလ်ဝင်စာမေးပွဲတွင် မြို့နယ်အဆင့်အောင်ချက် အကောင်းဆုံးကျောင်းများနှင့် ထူးချွန်ကျာင်းသား/သူများအား ဆုချီးမြှင့်ခြင်းအခမ်းအနားကို ယမန်နေ့နံနက်(၉:၀၀)နာရီအချိန်တွင် ကျင်းပခဲ့သည်။
ရှေးဦးစွာဟင်္သာတခရိုင်ပညာရေးမှူးရုံး၊ ခရိုင်ပညာရေးမှူး ဦးတိုးဝင်းက အဖွင့်အမှာစကားပြောကြားပြီး မြို့နယ်ပညာရေးမှူး ဒေါ်ငွေဌေးက ထူးချွန်ဆုရရှိသော ကျောင်းသား/သူများနှင့် သင်ကြားပေးခဲ့သော ဆရာ၊ ဆရာမများကို ဂုဏ်ပြုစကားပြောကြားခဲ့သည်။ ဆက်လက်၍ ခရိုင်ပညာရေးမှူး ဦးတိုးဝင်း၊ လက်ထောက်ညွှန်ကြားရေးမှူး ဒေါ်ချိုချိုခိုင်၊ မြို့နယ်စီမံအုပ်ချုပ်ရေးအဖွဲ့အဖွဲ့ဝင်(၁) ဗိုလ်မှုးသိန်းထိုက်နှင့် မြို့နယ်ပညာရေးမှူး ဒေါ်ငွေဌေးတို့က တက္ကသိုလ်စာမေးပွဲတွင် အောင်ချက်အကောင်းဆုံး အ.ထ.က(၃)ကျောင်း၊ အ.ထ.ကခွဲ(၃)ကျောင်းနှင့် (၄)ဘာသာဂုဏ်ထူးရရှိသာ ကျောင်းသား/သူ(၄)ဦးတို့အား ဆုချီးမြှင့်ပြီး မြို့နယ်ဌာနဆိုင်ရာအကြီးအကဲများက ဂုဏ်ထူးရရှိအောင် သင်ကြားပြသခဲ့သော ဆရာ၊ ဆရာမများနှင့် ထူးချွန်စွာအောင်မြင်ခဲ့သော ကျောင်းသား/သူများကို ဆက်လက်ဆုချီးမြှင့် ပေးခဲ့သည်။
အခမ်းအနားသို့ ဟင်္သာတခရိုင်ပညာရေးမှူးရုံး၊ ခရိုင်ပညာရေးမှူး ဦးတိုးဝင်း၊ လက်ထောက်ညွှန်ကြားရေးမှူး ဒေါ်ချိုချိုခိုင်၊ မြို့နယ်စီမံအုပ်ချုပ်ရေးအဖွဲ့အဖွဲ့ဝင်(၁) ဗိုလ်မှူးသိန်းထိုက်နှင့်အဖွဲ့ဝင်များ၊ မြို့နယ်ပညာရေးမှူး ဒေါ်ငွေဌေးနှင့် ဝန်ထမ်းများ၊ မြို့နယ်အဆင့် ဌာနဆိုင်ရာ အကြီးအကဲများ၊ ဆရာ၊ ဆရာမများ၊ ကျောင်းသား/သူများ စုစုပေါင်းအင်အား(၁၈၀)ဦး တက်ရောက်ခဲ့ကြောင်း သိရသည်။
မိုးသက်ကို
https://t.me/MyanmarNationalPost
No comments:
Post a Comment