ငါးသိုင်းချောင်း၊ ဇူလိုင် ၉
ဧရာဝတီတိုင်းဒေသကြီး၊ ကျုံပျော်ခရိုင်၊ ငါးသိုင်းချောင်းမြို့၊ မြို့မရပ်ကွက် ကမ်းနားဆိပ်တွင် ရေလမ်းဖြင့်သွားလာနေသော ခရီးသွားပြည်သူများနှင့် ကျောင်းသားကျောင်းသူများကို ရေဘေးအန္တရာယ်ဖြစ်ပေါ်လာပါက ကြိုတင်ကာကွယ်နိုင်ရန်နှင့် ကူညီပေးနိုင်စေရန်အတွက် ကွင်းဆင်းသရုပ်ပြဆောင်ရွက်ခြင်းကို ယနေ့နံနက် (၇း၀၀)နာရီ အချိန်ကစတင်ခဲ့သည်။
ထိုသို့ဆောင်ရွက်ရာတွင် မြန်မာနိုင်ငံမီးသတ်တပ်ဖွဲ့၊ငါးသိုင်းချောင်းမြို့မီးသတ်ဦးစီးဌာနမှဦးစီး၍ အရန်မီးသတ်တပ်ဖွဲ့ဝင်များ၊ ရပ်ကွက်အုပ်ချုပ်ရေးအဖွဲ့ဝင်များနှင့်အတူ ပူးပေါင်းကာ ဆောင်ရွက်ခဲ့သည်။
ထို့နောက်မြို့ နယ်မြေမီးသတ်လက်ထောက်ဦးစီးမှူး ဦးဝင်းနိုင်မှ ခရီးသွားပြည်သူများနှင့်ကျောင်းသား၊ကျောင်းသူများအား အသက်ကယ်ဝတ်စုံများကိုဝတ်ဆင်ပုံနှင့် ရေဘေးအန္တရာယ်ဖြစ်ပေါ်ကြုံတွေ့လာပါက ကြိုတင်ကာကွယ်နိုင်ရန်ရှင်းလင်းပြောကြားကာ တခြားသူများကိုလည်းကူညီပေးနိုင်စေရန်ကွင်းဆင်းသရုပ်ပြလေ့ကျင့်ဆောင်ရွက်ပေးခဲ့ပြီး ကျန်ရှိနေသေးသောရေးဘေးအန္တရာယ် ဖြစ်ပေါ်စေနိုင်မည့် ရပ်ရွာနေရာများကိုလည်း ဆက်လက်၍ လိုက်လံသတိပေးပြောကြားကာ ကွင်းဆင်းဆောင်ရွက်ပေးသွားမည်ဖြစ်ကြောင်းသိရသည်။
https://t.me/MyanmarNationalPost
No comments:
Post a Comment