လှိုင်းဘွဲ၊ ဇူလိုင် ၂၅
ကရင်ပြည်နယ်၊ ဘားအံခရိုင်၊ လှိုင်းဘွဲမြို့နယ်၌ မိုးများအဆက်မပြတ် သည်းထန်စွာရွာသွန်းပြီး တောင်ကျရေ စီးဆင်းမှုကြောင့် ယနေ့နံနက် ၉ နာရီခွဲအချိန်ခန့်တွင် ပိုင်ကျုံမြို့ နောင်ခွီးကျေးရွာအုပ်စု ထီလုံ-တာပေါင်-ပတ-နဘူး-ကော့ကရိတ်(တံတားကျိုး)အာရှလမ်းမကြီးပေါ်ရှိ သောက်တော်ကျေးရွာအနီး တံတားအမှတ် (၂/၃၃)၊ အရှည်(၁၂၀)ပေ၊ အကျယ်(၃၀)ပေ၊ အမြင့်(၁၅)ပေ ရှိသော သံကူကွန်ကရစ်တံတား၏ ချဉ်းကပ်လမ်း စုစုပေါင်း(၅၀)ပေခန့် ပြိုကျပျက်စီးခဲ့ကြောင်း သိရသည်။
အဆိုပါ တံတားချဉ်းကပ်လမ်းပြိုကျမှုကြောင့် လူနှင့်တိရိစ္ဆာန် ထိခိုက်သေဆုံးမှုမရှိကြောင်းနှင့်တံတားအထူးအဖွဲ့(၂၂)မှ တည်ဆောက်ပေးခဲ့သော တံတားဖြစ်ကြောင်း၊ တံတားချဉ်းကပ်လမ်းအား အမြန်ဆုံးပြန်လည်ပြုပြင်နိုင်ရေးအတွက် တံတားအထူးအဖွဲ့မှ တာဝန်ရှိသူများက ဆောင်ရွက်လျက်ရှိကြောင်း သိရသည်။
စောဒိ
#MyanmarNationalPost
No comments:
Post a Comment