ဂွ ၊ ဇူလိုင် ၁၆
ရခိုင်ပြည်နယ်၊ ဂွမြို့နယ်တွင် ငါးကဏ္ဍရေလုပ်ငန်းကျေးရွာ(၃)ရွာသို့ နိုင်ငံ့စီးပွားမြှင့်တင်ရေးရန်ပုံငွေ(ဒုတိယအကြိမ်) လွှဲပြောင်းပေးအပ်ပွဲ အခမ်းအနားကို ယနေ့ မွန်းလွဲ(၁)နာရီ အချိန်က မြို့နယ် အထွေထွေ အုပ်ချုပ်ရေးဦးစီးဌာန၊ အစည်းအဝေးခန်းမ၌ ကျင်းပပြုလုပ်ခဲ့သည်။
အခမ်းအနားတွင် မြို့နယ်အုပ်ချုပ်ရေးမှူး၊မြို့နယ်အဆင့်စီမံကိန်း ကြီးကြပ်မှုကော်မတီ ဥက္ကဋ္ဌ ဦးဇာနည်ကျော်က အဖွင့်အမှာစကားပြောကြားခဲ့သည်။ ဆက်လက်၍ ငါးလုပ်ငန်းဦးစီးဌာနမှ မြို့နယ်ဦးစီးမှူး ဦးခင်မောင်ရီက နိုင်ငံ့စီးပွားမြှင့်တင်ရေးရန်ပုံငွေဖြင့် ငါးလုပ်ငန်းဦးစီးဌာနမှ အကောင်အထည်ဖော် ဆောင်ရွက်မည့် ဒုတိယအကြိမ် ရန်ပုံငွေ လွှဲပြောင်းပေးအပ်ခြင်းနှင့် ပတ်သက်၍ ရှင်းလင်းပြောကြားခဲ့ကြောင်း သိရသည်။
ထို့နောက် ငါးကဏ္ဍရေလုပ်ငန်း နိုင်ငံ့စီးပွားမြှင့်တင်ရေးရန်ပုံငွေ (ဒုတိယအကြိမ်)ဖြင့် ဆောင်ရွက်မည့် ကျောက်ချွန်ကျေးရွာ၊ ကင်းရုံးရပ်ကွက်နှင့် ကျိန္တလီအမှတ်(၂)ရပ်ကွက်တို့ရှိ စီမံကိန်းကြီးကြပ်မှုကော်မတီများသို့ တစ်ရွာလျှင် သိန်း (၆၀၀) ကျပ်စီအား မြို့နယ်အဆင့်စီမံကိန်း ကြီးကြပ်မှုကော်မတီ ဥက္ကဋ္ဌနှင့် အဖွဲ့ဝင်များက မတည်ရန်ပုံငွေများအား လွှဲပြောင်းပေးအပ်ခဲ့ကြောင်း သိရသည်။
https://t.me/MyanmarNationalPost
No comments:
Post a Comment