ပေါင်မြို့နယ်၌ကလေးအလုပ်သမားပပျောက်ရေးအသိပညာပေး ဟောပြောခြင်း နယ်လှည့်စာကြည့်တိုက်၊နံရံကပ် စာစောင်ပြသခြင်းများဆောင်ရွက်

ပေါင်၊ ဇူလိုင် ၁၆

မွန်ပြည်နယ်၊ ပေါင်မြို့နယ်၌ ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် အခြေခံပညာဦးစီးဌာနတို့ပူးပေါင်း၍  စာဖတ်ရှိန်မြှင့်တင်ရေးနှင့်နယ်လှည့်စာကြည့်တိုက် အသိပညာပေးဟောပြောခြင်း  နံရံကပ်စာစောင်ပြသခြင်းကိုဇူလိုင်လ (၁၆)ရက်နေ့နံနက် ( ၁၁ ) နာရီ က (အမက) ဂွေးပင်ချောင်ကျောင်း၌ ပြုလုပ်ခဲ့သည်။

ရှေးဦးစွာ ( အမက) ဂွေးပင်ချောင်ကျောင်းမှ ကျောင်းအုပ်ဆရာမကြီးဒေါ်ကြည်ကြည်အေး က အရွယ်မရောက်သေးသည့်ကလေးငယ်များကို အလုပ်သမားစေခိုင်းပါက သတ်မှတ်ထားသည့်စည်းကမ်းချက်များအတိုင်းဆောင်ရွက်ကြရန်လိုအပ်ပါကြောင်း ဟောပြောခဲ့သည်။

ဆက်လက်၍ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်တင်ဇာစိုးက၊မိမိဘဝတိုးတက်မှုရရှိလာအောင် စာများများဖတ်ကြပါရန်၊အရွယ်မရောက်သေးသည့် ကလေးငယ်များအား မတရားအလုပ်စေခိုင်းမှုမှ ကာကွယ်ရန်၊မူးယစ်ဆေးဝါး၏ ဆိုးကျိုးများ၊လူကုန်ကူးမှု၏ဆိုးကျိုးများ၊ယာဥ်စည်းကမ်း၊လမ်းစည်းကမ်းများကို ကျောင်းသား/ကျောင်းသူများက လိုက်နာဆောင်ရွက်ကြရန်‌ဟောပြော‌ခဲ့သည်။

ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ကျောင်းသား၊ကျောင်းသူများ ဖတ်ရှုလေ့လာနိုင်ရန် ရုပ်ပြပုံပြင်များ၊ စာစောင်များစသည့် ကလေးများအသိပညာတိုးပွားရေး စာအုပ်စာပေများ၊ စာဖတ်ရှိန်မြှင့်တင်ရေးတို့နှင့်ပတ်သက်သည့် ဆောင်းပါး၊ ကဗျာ၊ ကာတွန်း သိမှတ်ဖွယ်ရာများ စသည့်အသိပညာပေး နံရံကပ်စာစောင်များ ဓာတ်ပုံများကို ခင်းကျင်းပြသခဲ့ရာကျောင်းသား၊ ကျောင်းသူများက စိတ်ပါ၀င်စားစွာကြည့်ရှုလေ့လာခဲ့‌ကြောင်းသိရသည်။

မွန်မလေး

Join - https://t.me/MyanmarNationalPost