ရွေးကောက်ပွဲတွင် ဒေါ်နယ်ထရမ့် အနိုင်ရပါက ယူကရိန်းမှာ တိုက်ပွဲတွေ အဆုံးသတ်သွားမည်ဟုဆို

TBILISI၊ ဇူလိုင် ၂၂

အမေရိကန် သမ္မတ ရွေးကောက်ပွဲမှာ ဒေါ်နယ်ထရန့် အနိုင်ရရင် ယူကရိန်းမှာ တိုက်ပွဲတွေ မကြာခင် ပြီးဆုံးမှာ ဖြစ်တယ်လို့ ဂျော်ဂျီယာ ဝန်ကြီးချုပ် Irakli Kobakhidze က ပြောသည်။

"ရွေးကောက်ပွဲမှာ Trump အနိုင်ရခဲ့မယ်ဆိုရင် ယူကရိန်းစစ်ပွဲဟာ မြန်မြန်ဆန်ဆန် ပြီးဆုံးသွားမှာဖြစ်ပြီး အဲဒီအတိုင်းဆိုရင် ကျွန်တော်တို့ဒေသရဲ့ အခြေအနေဟာ မကြာခင်မှာ ငြိမ်သက်သွားမှာဖြစ်ပြီး ကျွန်တော်တို့နိုင်ငံအပေါ် အနောက်နိုင်ငံတွေရဲ့ သဘောထားကလည်း ပြောင်းလဲသွားမှာဖြစ်ပါတယ်။ ဂျော်ဂျီယာအပေါ် သဘောထားတွေလည်း ပြောင်းလဲသွားမှာပါ” ဟု Kobakhidze က သတင်းထောက်များအား ပြောကြားခဲ့သည်။

အာဏာရပါတီဖြစ်သော Georgian Dream - Democratic Georgia တည်ထောင်သူ Bidzina Ivanishvili က ယူကရိန်းတွင် ရန်လိုမှုများသည် တစ်နှစ်အတွင်း အဆုံးသတ်သွားမည်ဖြစ်ကြောင်းနှင့် ထရမ့် အမေရိကန်တွင် အာဏာရလာပါက ၂၀၂၅ ဇန်နဝါရီတွင် ပြီးဆုံးနိုင်သည်ဟု အစောပိုင်းတွင် ပြောကြားခဲ့သည်။ 

အမေရိကန်သမ္မတရွေးကောက်ပွဲကို နိုဝင်ဘာ ၅ ရက်တွင် ကျင်းပမည်ဖြစ်သည်။ ဩဂုတ် ၁၉-၂၂ ရက်တွင် ကျင်းပရန် စီစဉ်ထားသော ဒီမိုကရက်တစ်ပါ အမျိုးသားညီလာခံ၌ သမ္မတလောင်းအဖြစ် ဘိုင်ဒင်ကို အဆိုပြုရန် စီစဉ်ခဲ့ကြသည်။ ဇွန်လ ၂၇ ရက်က ရီပတ်ဘလစ်ကန်သမ္မတ ဒေါ်နယ်ထရန့်နှင့် ရွေးကောက်ပွဲအကြို ရုပ်မြင်သံကြားတွင် ပြုလုပ်သည့် စကားစစ်ထိုးပွဲတွင် စွမ်းဆောင်ရည်ညံ့ဖျင်းမှုကြောင့် အမေရိကန်ပြည်ထောင်စု၏ အမြင့်ဆုံးရာထူးကို ဆက်လက်ထိန်းသိမ်းထားရန် နောက်ထပ်ကြိုးပမ်းမှုများကို စွန့်လွှတ်ရန် ဒီမိုကရက်ပါတီထောက်ခံသူများကြားတွင် ပိုမိုကျယ်လောင်လာခဲ့သည်။ 

ဘိုင်ဒင် သည် ထောက်ခံမှု ဆုံးရှုံးခြင်းနှင့် ဒီမိုကရက်တစ်ပါတီတွင် သဘောထားကွဲလွဲမှုများဖြစ်ပေါ်လာခဲ့ပြီး ရာထူးမှ နှုတ်ထွက်ရန် ဖိအားများ တိုးမြင့်လာခဲ့သည်။ ၄၆ ယောက်မြောက်သမ္မတ ဘိုင်ဒင်သည် ၂၀၂၄ ရွေးကောက်ပွဲမှ နှုတ်ထွက်ရန် ကြေညာခဲ့ရသည်။

Ref - TASS

Join - https://t.me/MyanmarNationalPost