အမေရိကန်သမ္မတဟောင်း ထရမ့်အနေဖြင့် ယူကရိန်းပဋိပက္ခကို ၂၄ နာရီအတွင်း ဖြေရှင်းရန် ခဲယဉ်း

လန်ဒန်၊ ဇူလိုင် ၃

နိုင်ငံရဲ့ သမ္မတရာထူးအတွက် ထပ်မံအရွေးခံမယ့် အမေရိကန်သမ္မတဟောင်း ဒေါ်နယ်ထရမ့် ဟာ ရွေးကောက်ပွဲမှာ အနိုင်ရရင်တောင် ၂၄ နာရီအတွင်း ယူကရိန်းပဋိပက္ခကို ဖြေရှင်းဖို့ မဖြစ်နိုင်ဘူးလို့ လန်ဒန်ဆိုင်ရာ ရုရှားသံအမတ်ကြီး Andrey Kelin က ဗြိတိန်ရုပ်သံနဲ့ အင်တာဗျူးမှာ ပြောကြားခဲ့ပါတယ်။ 

ထရမ့်က ယူကရိန်းပဋိပက္ခကို ၂၄ နာရီအတွင်း ပြေလည်အောင် ညှိနှိုင်းနိုင်မလားလို့ မေးတော့ Kelin က “ခဲယဉ်းတယ်” လို့ ဖြေကြားခဲ့ပါတယ်။

“ပထမအနေနဲ့ သမ္မတဖြစ်သင့်တယ်။ ဒုတိယအနေနဲ့ ဒါကိုလုပ်ဖို့ အများကြီး အားထုတ်သင့်တယ်၊ အဲဒါက ဘယ်လို သတ်မှတ်ချက်တွေ ဖြစ်လာမလဲဆိုတဲ့အပေါ်မှာ မူတည်တယ်” ဟု ၎င်းက ဆိုသည်။

"အစ္စတန်ဘူလ်မှာ ၂၀၂၂ ခုနှစ်အစောပိုင်းမှာ ရုရှားနဲ့ ယူကရိန်းတို့ကြား နိဂုံးချုပ်လုနီးပါးဖြစ်ခဲ့တဲ့ သဘောတူညီချက်မူကြမ်းကို အခု အာရုံစိုက်မှု တော်တော်များနေပြီဆိုတာ သိပါတယ်၊ ဒါက ကောင်းမွန်တဲ့ ပလက်ဖောင်းတစ်ခု ဖြစ်နိုင်ပါတယ်" ဟု Kelin က ဆက်လက်ပြောကြားခဲ့သည်။

သို့သော်လည်း ဒေါ်နယ်ထရမ့် အပါအဝင် လူတိုင်းသည် မြေပြင်ရှိ အခြေအနေမှန်ကို လက်တွေ့ကျကျ သိသင့်သည်။

ယူကရိန်းပဋိပက္ခ ပြေလည်ရေး ညှိနှိုင်းမှု စတင်ခဲ့လျှင်ပင် ရုရှားသည် ၎င်း၏ ထိုးစစ်ဆင်မှုများကို ရပ်တန့်သွားမည်မဟုတ်ကြောင်း Kelin က မှတ်ချက်ပြုခဲ့သည်။

"အခု (အထူးစစ်တပ်စစ်ဆင်ရေး) က လည်ပတ်နေတုန်းပဲ၊ နည်းဗျူဟာပိုင်းနဲ့ စစ်ဆင်ရေးလို့ ပြောလို့ရတယ်၊ ဒါပေမယ့် မကြာခင်မှာ ပိုပြီးတော့ ပြင်းထန်တဲ့ လုပ်ဆောင်ချက်တွေ ဖြစ်လာမှာပါ" ဟု သံအမတ်ကြီးက ထပ်လောင်း ပြောကြားခဲ့သည်။

၎င်း၏ ယခင်ရွေးကောက်ပွဲ မဲဆွယ်ပွဲများတွင် ဒေါ်နယ်ထရမ့် ပြန်လည်အရွေးခံရပါက ၂၄ နာရီအတွင်း ယူကရိန်းပဋိပက္ခကို ဖြေရှင်းရန် ရည်ရွယ်ထားကြောင်း ထရမ့်က ထပ်လောင်းပြောဆိုခဲ့သည်။

Ref - TASS

https://t.me/MyanmarNationalPost

(သတင်းများ ပေးပို့ရန် Viber, Telegram - 09692366274)