ဂျာမနီနိုင်ငံတွင် ကျင်းပသည့် 'မတူကွဲပြားခြင်းပွဲတော်' တွင် ဓားဖြင့်ထိုးမှုဖြစ်ပွားပြီး သုံးဦးသေဆုံး

ဂျာမနီနိုင်ငံ Solingen မြို့မှာ သောကြာနေ့ညနေခင်းက ကျင်းပတဲ့ မတူကွဲပြားခြင်းပွဲတော်မှာ ဓားနဲ့ထိုးမှုအတွင်း လူ ၃ ဦး သေဆုံးပြီး လေးဦး ဒဏ်ရာအပြင်းအထန်ရခဲ့တယ်လို့ ရဲတပ်ဖွဲ့က ပြောပါတယ်။ 

မျက်မြင်သက်သေများ၏ အဆိုအရ ပြစ်မှုကျူးလွန်သူသည် ဒေသစံတော်ချိန် ည ၉ နာရီ ၄၅ မိနစ်ခန့်တွင် မြို့တော်၏ နှစ် ၆၅၀ ပြည့် အထိမ်းအမှတ်ပွဲကျင်းပရန် ရောက်ရှိလာသူ အများအပြားရှိရာ Solingen's Fronhof ရင်ပြင်တွင် လူများကို တိုက်ခိုက်ခဲ့ခြင်း ဖြစ်သည်။

အခင်းဖြစ်ပွားရာနေရာမှ ထွက်ပြေးသွားသော တရားခံအား လိုက်လံရှာဖွေနေကြောင်း ရဲတပ်ဖွဲ့က ကြေညာထားသည်။ “လောလောဆယ်တော့ သူဘယ်မှာနေတယ်ဆိုတဲ့ သတင်းကို ကျွန်တော်တို့မှာ မရှိသေးပါဘူး” ဟု ရဲပြောရေးဆိုခွင့်ရှိသူက ပြောသည်။

ရဲတပ်ဖွဲ့က တရားခံကို ထုတ်ဖော်ပြောဆိုခြင်း မရှိသေးပေ။ Bild ၏ အဆိုအရ မျက်မြင်သက်သေများက ပြစ်မှုကျူးလွန်သူကို “အာရပ်ပုံသဏ္ဌာန်ရှိသူ” ဟု ဖော်ပြခဲ့သည်။

မှုခင်းဖြစ်ပွားရာနေရာအား လက်နက်ကိုင်တပ်ဖွဲ့ဝင်များနှင့် လူနာတင်ယာဉ်များစွာဖြင့် ဝိုင်းရံပိတ်ဆို့ထားကြောင်း သိရသည်။

Solingen မြို့တော်ဝန် Tim Kurzbach က "ကျွန်တော်တို့အားလုံး ထိတ်လန့်တုန်လှုပ်နေကြရပါတယ်။ ငါတို့မြို့ရဲ့ နှစ်ပတ်လည်နေ့ကို အတူတကွ ကျင်းပချင်ခဲ့တာပါ၊ အခုလည်း သေဆုံး၊ ဒဏ်ရာရသူတွေကို ဝမ်းနည်းကြေကွဲရပါတယ်" ဟု ပြောသည်။

လူဦးရေ ၁၆၀၀၀၀ နီးပါးရှိသော Solingen သည် ဂျာမနီနိုင်ငံ အနောက်ဘက် Rhine-Westphalia ပြည်နယ်တွင် တည်ရှိပြီး Dusseldorf နှင့် Cologne မြို့ကြီးများနှင့် မဝေးလှပါ။

ဂျာမနီသည် မကြာသေးမီနှစ်များအတွင်း ဓားထိုးတိုက်ခိုက်မှုများစွာကို မြင်တွေ့ခဲ့ရသည်။ ၂၀၂၁ ခုနှစ်တွင် Wurzburg ရှိ စတိုးဆိုင်တစ်ခုတွင် မီးဖိုချောင်သုံးဓားဖြင့် ဆိုမာလီနိုင်ငံသားတစ်ဦး သေဆုံးခဲ့သည်။ ၂၀၂၄ ခုနှစ် ဇွန်လတွင် အာဖဂန်နစ္စတန်နိုင်ငံ မန်းဟိမ်းတွင် အစ္စလာမ်ဆန့်ကျင်ရေး အဖွဲ့တစ်ခုမှ စီစဉ်သည့် စုဝေးပွဲငယ်တစ်ခုတွင် အာဖဂန် ခိုလှုံခွင့်တောင်းသူတစ်ဦးက လူများကို တိုက်ခိုက်ခဲ့သည်။ ရဲအရာရှိတစ်ဦး အပါအဝင် လူခြောက်ဦး ဒဏ်ရာရရှိခဲ့ပြီး နောက်ပိုင်းတွင် ဒဏ်ရာများဖြင့် သေဆုံးသွားခဲ့သည်။

Ref - RT

Join - https://t.me/MyanmarNationalPost