ရွှေတောင် ၊ စက်တင်ဘာ - ၂၉
ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ်တွင် (၁၈)ကြိမ်မြောက် ကမ္ဘာ့ခွေးရူးရောဂါကာကွယ်တိုက်ဖျက်ရေးနေ့အထိမ်းအမှတ် အသိပညာပေးဟောပြောပွဲကို ယမန်နေ့ နံနက်ပိုင်းက အခြေခံပညာနှင့် စက်မှု စိုက်ပျိုး မွေးမြူရေး အထက်တန်းကျာင်းခန်းမ၌ ပြုလုပ်ခဲ့သည်။
အခမ်းအနားတွင် ရွှေတောင်မြို့နယ်မွေးမြူရေးနှင့် ကုသရေးဦးစီးဌာန ဒေါက်တာ အေးချမ်းဝင်းက "အတားအဆီးများကို ကျော်လွန်မှ ခွေးရူးရောဂါ ကင်းစင်ပ ခြေလှမ်းတိုင်းမှာပါဝင်ကြ" ဆောင်ပုဒ်နှင့်အညီ ခွေးရူးရောဂါ ကာကွယ်ရေးသိကောင်းစရာများ၊ ရောဂါကူးစက်နိုင်သည့်နည်းလမ်းများ၊ ခွေးရူးရောဂါခံစားနေရသည့်ခွေးများကိုခွဲခြားနိုင်သည့်အချက်များ၊ လူတွင်ကူးစက်နိုင်သည့် ခွေးရူးပြန်ရောဂါလက္ခဏာများ၊ ခွေးရူးရောဂါမဖြစ်အောင် ကာကွယ်ရမည့်နည်းလမ်းများနှင့်ကာကွယ်ဆေးထိုးရမည့်အခြေအနေများ၊ခွေးရူးရောဂါနှင့်ပတ်သက်၍ သတိပြုလိုက်နာရမည့်အချက်များကို ဟောပြောခဲ့ပြီး ခွေးရူးရောဂါနှင့်ပတ်သက်သည့်အသိပညာပေးလက်ကမ်းစာစောင်များ ဖြန့်ဝေပေးခဲ့ကြောင်းသိရသည်။
အဆိုပါ အခမ်းအနားသို့ မြို့နယ်မွေးမြူရေးနှင့်ကုသရေးဦးစီးဌာန မှဒေါက်တာ အေးချမ်းဝင်းနှင့် ဝန်ထမ်းများ၊ကျောင်းအုပ်ဆရာမကြီးနှင့်ဆရာ၊ဆရာမများ၊ကျောင်းသား၊ကျောင်းသူ(၁၁၁)ဦးတက်ရောက်ခဲ့ကြောင်းသိရသည်။
https://t.me/MyanmarNationalPost
No comments:
Post a Comment