မော်လမြိုင်၊ အောက်တိုဘာ ၁၇
သီတင်းကျွတ်လပြည့်နေ့သည် ဗုဒ္ဓဘာသာဝင်တို့ အထွဋ်အမြတ်ထားရာ အဘိဓမ္မာအခါတော်နေ့ဖြစ်ပြီး မော်လမြိုင်မြို့နယ်အတွင်းရှိ ဘုရားကျောင်းကန်အသီးသီး၊ ရပ်ကွက်လမ်းများ၌ အဘိဓမ္မာအခါတော်နေ့ပူဇော်ပွဲ၊ ဘုရားရှင်အားဆီးမီး၊ ပန်း၊ ရေချမ်းကပ်လှူပူဇော်ခြင်း၊ အနယ်နယ်အရပ်ရပ်မှ ဘုရားဖူးလာကုသိုလ်ပြုကြသူများဖြင့် အထူးစည်ကားခဲ့ပြီး ယခုကဲ့သို့ ဝါလကင်းလွတ်သီတင်းကျွတ်ကာလတွင် ခရီးသွားပြည်သူများနှင့်ဒေသခံအပေါင်းတို့က မိသားစုအလိုက်လာရောက်ဖူးမြော်ကုသိုလ်ပြုလေ့ရှိသောကြောင့် ပိုမိုစည်ကားခဲ့ခြင်းဖြစ်ကြောင်း သိရသည်။
မော်လမြိုင်မြို့နယ်အတွင်းရှိ ကျက်သရေဆောင် ရှေးဟောင်းသမိုင်းဝင် ဆံတော်ရှင်ကျိုက်သလ္လံ စေတီတော်မြတ်ကြီး၊ နံဂါးမောက်စေတီတော်မြတ်ကြီး၊ အပါအဝင်ဘုရား စေတီပုထိုးများ၌ ယနေ့ နံနက်ပိုင်း(သီတင်းကျွတ်လပြည့်နေ့)က ဘုရားဖူးပြည်သူများ၊ စတုဒီတာကျွေးမွေးသူများဖြင့် အထူး စည်ကားလျက်ရှိကြောင်း သိရသည်။
စည်သူ
Join - https://t.me/MyanmarNationalPost
No comments:
Post a Comment