အစ္စရေးက ဟစ်ဇ်ဘိုလာ မီဒီယာဌာန အကြီးအကဲကို သတ်လိုက်ပြီ

Hezbollah ပြောရေးဆိုခွင့်ရှိသူ Mohammed Afif သည် ဘေရွတ်မြို့ကို အစ္စရေး၏ လေကြောင်းတိုက်ခိုက်မှုအတွင်း သေဆုံးသွားခဲ့ကြောင်း လက်ဘနွန်အရံလက်နက်ကိုင်အဖွဲ့မှ အဖွဲ့ဝင်တစ်ဦးက အေပီသတင်းဌာနသို့ ပြောကြားခဲ့သည်။ အစ္စရေးကာကွယ်ရေးတပ်ဖွဲ့ (IDF) ကတော့ ဒီတိုက်ခိုက်မှုနဲ့ ပတ်သက်ပြီး မှတ်ချက်မပေးပါဘူး။

ဘေရွတ်မြို့လယ်တွင် အစ္စရေးဂျက်တိုက်လေယာဉ်များက တနင်္ဂနွေနေ့က သတိပေးချက်မရှိဘဲ တိုက်ခိုက်ခဲ့ရာ ဆီးရီးယားနိုင်ငံ Ba'ath ပါတီ၏ ဒေသဆိုင်ရာရုံးတွင် လူအများအပြား သေဆုံးခဲ့သည်။ Afif သည် သေဆုံးသူများထဲတွင် ပါဝင်ခဲ့ကြောင်း ဟစ်ဇ်ဘိုလာ အရာရှိတစ်ဦးက AP သို့ ပြောကြားခဲ့သည်။

နိုင်ငံတကာ မီဒီယာများမှ မှတ်ချက်ပေးရန် တောင်းဆိုမှုများကို IDF က တုံ့ပြန်ခြင်း မရှိပေ။ လူနေထူထပ်တဲ့ နေရာတွေကို တိုက်ခိုက်မှု မတိုင်ခင်မှာလည်း ရွှေ့ပြောင်းဖို့ သတိပေးကြေညာတာ မရှိပါဘူး။ IDF သည် ဟစ်ဇ်ဘိုလာ စစ်သွေးကြွအဖွဲ့ကို ချေမှုန်းရန် ကြိုးပမ်းရာတွင် လက်ဘနွန်နိုင်ငံတွင်းသို့ ကျုးကျော်ဝင်ရောက်ကာ လက်ဘနွန်မြို့တော်ကို အကြိမ်ပေါင်းများစွာ ဗုံးကြဲတိုက်ခိုက်ခဲ့သည်။

Afif သည် Hezbollah ၏ Al-Manar ရုပ်မြင်သံကြားဌာန ၏ ပြောရေးဆိုခွင့်ရှိသူအဖြစ် တာဝန်ထမ်းဆောင်ခဲ့သူ ဖြစ်သည်။ စက်တင်ဘာလတွင် အစ္စရေး ၏ တိုက်ခိုက်မှုအတွင်း Hezbollah ခေါင်းဆောင် Hassan Nasrallah သေဆုံးခဲ့ရပြီးနောက် Beirut ၏ Dahiyeh ရပ်ကွက် အပျက်အစီးများကြားမှ ပုံမှန် သတင်းစာရှင်းလင်းပွဲများကို ပြောကြားခဲ့ပြီး နောက်လတွင် အစ္စရေးဝန်ကြီးချုပ် Benjamin Netanyahu ၏ နေအိမ်ကို မောင်းသူမဲ့ လေယာဉ်ဖြင့် တိုက်ခိုက်ခြင်းအတွက် တာဝန်ရှိကြောင်း သတင်းထွက်ပေါ်လာခဲ့သည်။

Afif သည် IDF မှ Beirut ကိုစက်တင်ဘာလလယ်တွင် စတင်တိုက်ခိုက်ပြီးကတည်းက အစ္စရေးမှ သတ်ဖြတ်ခဲ့သောဟစ်ဇ်ဘိုလာအကြီးတန်းအရာရှိများထဲမှ နောက်ဆုံး တစ်ဦး ဖြစ်သည်။ 

IDF သည် မြေပြင်စစ်ဆင်ရေးတွင် ၎င်း၏ စစ်သား ၅၀ နီးပါး သေဆုံးခဲ့ကြောင်း ဟစ်ဇ်ဘိုလာက အတည်ပြုခဲ့သော်လည်း အရေအတွက်မှာ များစွာ ပိုများသည်ဟု IDF က အတည်ပြုခဲ့သည်။

လက်ဘနွန်တွင် IDF လေကြောင်းတိုက်ခိုက်မှုကြောင့် လူပေါင်း ၃,၄၀၀ ကျော် သေဆုံးခဲ့ကြောင်း နိုင်ငံ၏ ကျန်းမာရေးဝန်ကြီးဌာနက ပြောကြားခဲ့သည်။ ဤကိန်းဂဏန်းသည် အရပ်သားများနှင့် ဟစ်ဇ်ဘိုလာ စစ်သွေးကြွများကြား ခွဲခြားနိုင်ခြင်းမရှိပေ။

အစ္စရေးသည် တနင်္ဂနွေနေ့အစောပိုင်းတွင် ဒါဟီယေးမြို့၌ သီးခြားလေကြောင်းတိုက်ခိုက်မှုတစ်ခု ပြုလုပ်ခဲ့သည်။ ဘေရွတ်မြို့လယ်တွင် တိုက်ခိုက်မှုနှင့်မတူဘဲ IDF သည် လက်ဘနွန်မြို့တော်၏ တောင်ဘက်ခြမ်းရှိ ဆင်ခြေဖုံးရပ်ကွက်နှင့် ဟစ်ဇ်ဘိုလာတို့၏ ရိုးရာအမာခံနယ်မြေဖြစ်သော ဒါဟီယေးမြို့ကို မတိုက်ခိုက်မီ ရွှေ့ပြောင်းရန် အမိန့်ထုတ်ပြန်ခဲ့သည်။ ပြီးခဲ့သည့် သီတင်းပတ်အတွင်း အဆိုပါ ဒေသတွင် ဟစ်ဇ်ဘိုလာ စခန်း ၅၀ ထက်မနည်းကို တိုက်ခိုက်ခဲ့ကြောင်း IDF က ပြောကြားခဲ့သည်။

Ref - RT

Join - https://t.me/MyanmarNationalPost