ဟင်္သာမြို့၌ မီးဘေးအန္တရာယ် ကြိုတင်ကာကွယ်ရေးနှင့် မီးဘေးအန္တရာယ်ကြုံတွေ့လာပါက တုံ့ပြန်ဆောင်ရွက်နိုင်ရန် လက်တွေ့မီးငြှိမ်းသတ်နည်း သရုပ်ပြလေ့ကျင့်

ဟင်္သာတ ၊  နိုဝင်ဘာ ၄

ဧရာဝတီတိုင်းဒေသကြီး၊ ဟင်္သာတခရိုင် အထွေထွေအုပ်ချုပ်ရေးဦးစီးဌာနရုံး၌ မီးဘေးအန္တရာယ်ကြိုတင်ကာကွယ်ရေး အသိပညာပေးခြင်းနှင့်မီးသတ်ဆေးဘူးဖြင့် မီးငြှိမ်းသတ်ခြင်း လက်တွေ့ ဇာတ်တိုက်လေ့ကျင့်ခြင်းတို့ကို ယနေ့နံနက် ၉ နာရီက အဆိုပါနေရာတွင်ပြုလုပ်ခဲ့သည်။

ထိုသို့ မီးဘေးလုံခြုံရေး အသိပညာပေးခြင်းနှင့် မီးသတ်ဆေးဘူးဖြင့် လက်တွေ့သရုပ်ပြလေ့ကျင့်ခြင်းပြုလုပ်ရာသို့ ဟင်္သာတခရိုင်အထွေထွေအုပ်ချုပ်ရေးဦးစီးဌာန ခရိုင်အုပ်ချုပ်ရေးမှူး ဦးအောင်မြင့်စိုး ဦးဆောင်၍ ဒုတိယခရိုင်အုပ်ချုပ်ရေးမှူး ဦးသူရိန်နှင့်ဝန်ထမ်းများ၊ မြို့နယ်အုပ်ချုပ်ရေးမှူး ဦးညွှန့်ဆန်းထွန်းနှင့် ဝန်ထမ်းများ၊ခရိုင်မီးသတ်ဦးစီးမှူး ဦးဟိန်းသူဟန်ဦးဆောင်​၍ မြို့နယ်မီးသတ်ဦးစီးမှူး ဦးဥက္ကာနှင့် မီးသတ်တပ်ဖွဲ့ဝင်များ တက်ရောက်ခဲ့ကြသည်။

မီးဘေးလုံခြုံရေးနှင့်လက်တွေ့သရုပ်ပြပွဲတွင် ခရိုင်မီးသတ်ဦးစီးမှူးက မီးဘေးအန္တရာယ်ကြိုတင် ကာကွယ်ရေးအတွက် ကြိုတင်ပြင်ဆင် ဆောင်ရွက်ထားရမည့်လုပ်ငန်းများ၊ လိုက်နာရမည့်အချက်များ မီးဘေးအန္တရာယ် အရေးပေါ်အခြေအနေ ဖြစ်ပေါ်လာပါက အလျှင်အမြန်ဆောင်ရွက်ရမည့်လုပ်ငန်းစဉ်များအား ရှင်းလင်းပြောကြားခဲ့ပြီးနောက် မီးသတ်တပ်ဖွဲ့ဝင်များက တက်ရောက်လာသူများအား မီးဘေးကြိုတင်ကာကွယ်ရေး အသိပညာပေးလက်ကမ်းစာစောင်များ ဖြန့်ဝေပေးခဲ့ကြပြီး မီးသတ်တပ်ဖွဲ့ဝင်များက မီးသတ်ဆေးဘူးကို အသုံးပြု၍ မီးငြှိမ်းသတ်နည်း၊ ဆီမီးလောင်မှုကိုဖုံးအုပ်ငြှိမ်းသတ်နည်း၊ မီငြှိမ်းသတ်ယာဉ်ဖြင့် မီးငြှိမ်းသတ်နည်း လက်တွေ့သရုပ်ပြခြင်းတို့ဆောင်ရွက်ခဲ့ကြပြီး ခရိုင်နှင့်မြို့နယ်အထွေထွေအုပ်ချုပ်ရေးဦးစီးဌာနဝန်ထမ်းများမှ မီးသတ်ဆေးဘူးအသုံးပြု၍ လက်တွေ့မီးငြှိမ်းသတ်ခြင်း၊ ဆီလောင်စာမီးငြှိမ်းသတ်နည်း၊ ဂတ်(စ်)မီးငြှိမ်းသတ်နည်း၊ မီးသတ်ပိုက်အသုံးပြု၍ လက်တွေ့မီးငြှိမ်းသတ်ခြင်းတို့ကို လက်တွေ့ဇာတ်တိုက် လေ့ကျင့်ခဲ့ကြကြောင်း သိရသည်။

https://t.me/MyanmarNationalPost