ပေါင် ၊ နိုဝင်ဘာ ၁၁
မွန်ပြည်နယ်၊ပေါင်မြို့နယ်၌ သထုံခရိုင်သစ်တောဦးစီးဌာနမှ ဦးဆောင်၍ မီးခိုး /မြူငွေ့လျှော့ချရေး၊ သဘာဝဘေးအန္တရာယ်ကြိုတင်ကာကွယ် ရေးနှင့်လျော့နည်းစေရေး အသိပညာပေးဟောပြောကို ယနေ့နံနက် (၁၀)နာရီက (အထက) ပေါင် ရွှေရတုခန်းမ၌ ပြုလုပ်ခဲ့သည်။
ရှေးဦးစွာ သထုံခရိုင်၊ သစ်တောဦးစီးဌာန၊ လက်ထောက်ညွှန်ကြားရေးမှူး ဦးအောင်ဇော်ထူး မှ ရာသီဥတုပြောင်းလဲမှု လျှော့ချရေးနှင့် သဘာဝပတ်ဝန်းကျင် ထိန်းသိမ်းရေးဆိုင်ရာ ခေါင်းစဉ်ဖြင့် ကျောင်းသား၊ကျောင်းသူများကို အကျယ်တဝင့်ဟောပြောခဲ့သည်။
ဆက်လက်၍ သထုံခရိုင်၊ သစ်တောဦးစီးဌာန၊ဦးစီးအရာရှိဦးစိုးမင်းအောင်မှ လေထုညစ်ညမ်းခြင်းနှင့် မီးခိုးမြူငွေ့အန္တရာယ်လျှော့ချရေးခေါင်းစဉ်ဖြင့်လည်းကောင်း၊ပေါင်မြို့နယ်တာဝန်ခံတောအုပ်ကြီးဦးဇော်လွင်ဦးမှမြန်မာ့ဒီရေတောများအကြောင်းခေါင်းစဉ်ဖြင့်လည်းကောင်း ၊ အသီးသီး ဆွေးနွေးဟောပြောခဲ့ကြပြီး တက်ရောက်လာသူများမှ သိလိုသည့် မေးခွန်းများ ကိုမေးမြန်းခဲ့ရာ တာဝန်ရှိသူများ က ပြန်လည် ဖြေကြားခဲ့သည်။
ထို့နောက် ဟောပြောပွဲသို့ တက်ရောက်လာသည့် ဆရာ/ဆရာမများနှင့် ကျောင်းသား/ သူ(၁၄၃)ဦးအား သစ်ပင်စိုက်ပျိုးခြင်းဆိုင်ရာအသိပညာပေးလက်ကမ်းစာစောင်များ ဖြန့်ဝေခဲ့ကြကြောင်း သိရ
သည်။
မွန်မလေး
Join - https://t.me/MyanmarNationalPost
No comments:
Post a Comment