ရန်ကုန်၊ နိုဝင်ဘာ ၁၃
ရန်ကုန်မြို့ အမျိုးသားပြတိုက်တွင် ယမန်နေ့က အိန္ဒိယနိုင်ငံယဉ်ကျေးမှုဆိုင်ရာဆက်ဆံရေးကောင်စီ၏ ရာမယဏအနုပညာပြပွဲကျင်းပခဲ့ရာ မြန်မာနိုင်ငံရှိ ဂုဏ်သရေရှိပုဂ္ဂိုလ်များ၊ သံတမန်များ၊ တတ်သိပညာရှင်များနှင့် အိန္ဒိယအသိုက်အဝန်းများမှအဖွဲ့ဝင်များ အပါအဝင်ဧည့်သည် ၁၀၀ ကျော် တက်ရောက်ကြည့်ရှုအားပေးခဲ့ကြသည်။
သံအမတ်ကြီး Abhay Thakur က ရာမယဏ၏ တရားနည်းလမ်းကျသော ကျင့်ကြံကြိုးပမ်းမှုများအကြောင်းကို ပြောကြားခဲ့သည်။
အိန္ဒိယသံရုံး၏ သတင်းထုတ်ပြန်ချက်တွင် အိန္ဒိယနိုင်ငံယဉ်ကျေးမှုဆိုင်ရာဆက်ဆံရေးကောင်စီ (ICCR) မှ စီစဉ်သော ရာမယဏ ပန်းချီပြပွဲ ကို ၂၀၂၄ ခုနှစ် နိုဝင်ဘာလ ၈ ရက်မှ ၁၅ ရက်အထိ ရန်ကုန်မြို့ အမျိုးသားပြတိုက်၌ ကျင်းပမည်ဖြစ်ကြောင်း၊ လက်ရာမြောက်သော ပန်းချီ၊ ပန်းပု နှင့် ရုပ်သေးရုပ်များ ပါဝင်ပြီး ၎င်းတို့အားလုံးသည် ကျော်ကြားသော အိန္ဒိယ အနုပညာရှင်များ၏ လက်ရာများဖြစ်ကြောင်း သိရသည်။
ရာမယဏသည် အိန္ဒိယနှင့် မြန်မာတို့အကြား တူညီသောတန်ဖိုးများ မျှဝေခြင်းသင်္ကေတတစ်ခုဖြစ်ပြီး ရန်ကုန်မြို့ အမျိုးသားပြတိုက်တွင် ခင်းကျင်းပြသထားသည့် ပြပွဲသည် အိန္ဒိယ-မြန်မာ နှစ်နိုင်ငံ ပြည်သူများ၏ ဆက်ဆံရေးကို ပိုမိုခိုင်မာစေပြီး အပြန်အလှန် နားလည်မှု၊ အနုပညာ ပူးပေါင်းဆောင်ရွက်မှုနှင့် ချစ်ကြည်ရင်းနှီးမှု ခိုင်မာစေရေးတို့ကို ဆောင်ရွက်ပေးခဲ့ခြင်းဖြစ်ကြောင်း သိရသည်။
ဓာတ်ပုံ - အိန္ဒိယသံရုံး (ရန်ကုန်)
Join - https://t.me/MyanmarNationalPost
No comments:
Post a Comment